زبدةالاشعار

ای قلم! ایله رقم فاطمه نین اوصافین #فاطمیه_سیدبشیرحسینی

جریان باغ #فدک
و غربت حضرت فاطمه و مولا علی علیهماالسلام
.
✍️ زبدة الاشعار ✍️
.
🆔: @nohe_torki
.
#سیدبشیرحسینی
.
ای قلم! ایله رقم فاطمه نین اوصافین
وار امیدیم گئنه شامل ائده اؤز الطافین
او بیر عنقادی کی مأوا ائدوب عشقین قافین
دوتسا روحُ القُدُس عشقیله دوباره الیمی
آچارام مدحت زهرایه بو الکن دیلیمی
.
.
فاطمه کیمیدی؟ آدی کوثره معنا یازیلوب
لوح محفوظیده حیدر اونا همتا یازیلوب
ئوپون او پرچمی، «یاحضرت زهرا» یازلیوب
دردوز اولسا نه زمان دیلده دیون: یازهرا
یاخشی فرصتدی بو محفلده دیون: یازهرا
.
.
فاطمه کیمدی؟ هامی دردلره درمان ائلیور
کیم توسّل ائلیور موشکلون آسان ائلیور
بارش لطفی، کویری چو گلستان ائلیور
گؤزل آدینده اونون چوخ عظمت وار والله
هر بیر ائوده آدی واردور برکت وار والله
.
.
فاطمه کیمدی؟ گل سرسبد خلقتدی
گول وجودی بو یارانمیشلار ایچون علّتدی
ایک دنیا اون ایکی حجّته بیر حجّتدی
شأنینه بیر باخون افلاک اونا خاطر یارانوب
آتاسی حضرت لولاک اونا خاطر یارانوب
.
.
فاطمیه بیزه محنتلی اولان دریادی
ییرمی گوندور، ائله بیل هر گونی عاشورادی
درد و غم لشکرینون ایچره علی تنهادی
بیز بو ایامیده آهیله اؤرَک داغلیاروق
وئره روق باش باشا زهرا خانیما آغلیاروق
.
.
فاطمه کیمدی؟ اونون شیعه سی غیبت ائلمز
گول اولار، خار کیمی خلقه اذیت ائلمز
ملاء عامیده اوچ کافره لعنت ائلمز
سؤز گونَش مثلی جلی اولماسا اولماز اولماز
محور وحدت علی اولماسا اولماز اولماز
.
.
هامی باغلاره دئسون جسم، دئنن جاندی فدک
سند غربت زهرای پریشاندی فدک
سرّی واردور فدکین آدینه آدلاندی فدک
بیر «فدک» آدلی کیشی ائتدی بنا اولدی تمام
نوه ی حضرت«نوح»دور، آتاسینون آدی «حام»
.
.
او باغین ملک حجاز ایچره مثالی یوخودی
اورا هر قوش یئتیشوب نغمه ی عشقی اوخودی
خرمالیق بیر یئریدی آرخی بولاغی چوخودی
چوخ بَزَکلی دی چیچکلیدی او وُسعتلی مکان
اودی معطوفیدی اُول باغه دل اهل جهان
.
.
قرن لر کئچدی، غرض عصر پیمبر گلدی
مرحبِ خیبری نین جنگینه حیدر گلدی
فتح ائدوب تا کی اله قلعه ی خیبر گلدی
فدک اوسته نه بیری تیغ چکوب نه اوخ آتوب
اودی کی «فَیء»دی پس حضرت زهرایه چاتوب
.
.
ائله او ایلده گتوردی اونا جبریل پیام
أقربا حقّینی وئر ای شه فرخنده مرام!
گؤزلری اوسته الین قویدی او مولای أنام
پیک حق یازدی قباله سؤزی اجرا ائله دی
پنج تن نوبتیله بیر به بیر امضا ائله دی
.
.
امّ ایمنده اولوب شاهیدی أسماده او گون
انبیا راضی اولوب جنّتُ الاعلاده او گون
ثبت اولوبدور او سند عالم بالاده او گون
فدکه مالک اولوب فاطمه با امر خدا
بهره سیندن او باغین بهره آپاردی فقرا
.
.
ائله کی رحلت ائدوب عالَم عُقبایه رسول
کئچدی اون گون، فدکی غصب ائله دی قوم جهول
آتاسین یاد ائلیوب آغلادی زهرای بتول
آناسیز قیزلار آتا کولگه سینه دالدالانار
آتادا گئتسه الیندن، الی قوینوندا قالار
.
.
یوز قویوب مرقد پیغمبره افغان ائله دی
چوخ اؤرَکلَندی یانان قلبینی شان شان ائله دی
ناله سی نی لری نیزاریده نالان ائله دی
صاق – صولوندا حسَنِینیله اؤرَک داغلادیلار
قوشدولار سس سسه شدّتله اولار آغلادیلار
.
.
بئله فکر ایلیورم تربتی سپدی باشینا
قاریشوب عطریلی توز توپراق اونون گؤزیاشینا
صورا قویدی سارالان صورتی قبرین داشینا
دئدی: ای آیریلیقی درده سالان زهرانی
داخی سندن صورا من ایستَمورم دنیانی
.
.
بابا! سندن صورا ایشّیقلی گونوم اولدی قارا
سن ئوپن سینه می مسمار جفا ائتدی یارا
آناسیزلیق هارا، بئش یاشدا قیزیم زینب هارا؟
ائوی جارو ائده بیلمز بالامی غصّه یورار
من اگر ئولسم اونون باشینه کیم شانه وورار؟
.
.
غم گؤزینده اؤزوم انگشتر محنت قاشیام
مرتضانین نه فقط همسری، غم یولداشیام
منه آیدیندی، اجل قویمیاجاق چوخ یاشیام
غصّه لی قلبیده یوخ آیری گمان ئولمه لی ام
غم قوجالدار اونی تئز،چون کی جوان ئولمه لی ام
.
.
باغبان آیری اگر دوشسه چمندن باباجان!
گول لری تئز سارالار جورِ زَمَندن باباجان!
نئجه کی دویمادیم عمروم بویی سندن باباجان!
نه علی شیرخدا، شاهِ زمَندن دویدوم
نه ده بو غملی حسینیله حسندن دویدوم
.
.
باغریقان زینب و کلثوم اؤرَگین غم آلاجاق
هر بیری باشینه مندن صورا قاره سالاجاق
نگرانم بو جهتدن کی علی تک قالاجاق
زندگی سینده اولان باغ و بهاری منیدیم
غصّه وقتینده اونون غصه لی یاری منیدیم
.
.
یاده سالدوقجا سنی گؤزیاشیم هئچ وئرمور أمان
گؤزلروندن ایراق ای سید و سالار جهان!
نَفَس آلدوقجا آخور یاره لریمدن تَزه قان
یوخ نفَس چکماقادا منده توان، فاطمیه م
آغلار عالَم منه پهلوسی سینان فاطمیه م
.
.
آز قالور گون باتا ای شمس سپهرِ ازلی!
سنه قلبیمده منیم چوخلی سوزوم واردی ولی
اذن وئرسون گئدرَم منزله چون تکدی علی
نئجه سینسا پر و بالی، قوش اولار لانه-نشین
سن گئدندن صورا حیدرده اولوب خانه نشین
.
.
ای بشیرُالبَشر! ای ختم رسولانِ خدا!
وئر اشارتله بشارت او «بشیر»ه یوخودا،
کی یازار عترتیوه صبح و مسا مدح و رثا
بیر گونی لایق دیدار مدینه اولاجاق
بیزه خاطر اودا زوّار مدینه اولاجاق

متن پیشنهادی:  هر چه نظم است اگر در همه دنیا شکند #فاطمیه_عابد_تبریزی

.
#فاطمیه_شهادت
#ای_قلم_ایله_رقم_فاطمه_نین_اوصافین
#ترکی
.
✍️ #زبدةالاشعار✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی