ای محبّتی وئرن ئورکلره صفا حسین #حسینیه_مصیبی_تبریزی

«شمع بزم ایمان»
.
زبدة الاشعار

?: @nohe_torki
.

محمدعلی مصیبی تبریزی
.

درآهنگ: ((نامت ای بسیجی- زیب دفترماست))
.

ای محبّتی وئرن ئورکلره صفا حسین
نورچشم فاطمه عزیز مصطفی حسین
شمع بزم ایمان
جان وئرن لبعطشان
سالدی انقلابون
عالمینه طوفان
.
.
پرچمون اسور دیار نینواده یاحسین
عشق وعزتی سالورهمیشه یاده یاحسین
اونداکی کسیلدی قانلی باش مناده یاحسین
سس دوشوبدی عالمه ؛ بَلاءُ لِلْوِلا حسین
.
.
قانین آخدی کربلاده ای عزیز فاطمه
وئردی اختناق و ظلمت و هراسه خاتمه
کربلا مصیبتی هرآن دوشنده یادیمه
سسلرم ئورکدن ای ذبیحُ من قفا حسین
.
.
آلدیلار بالالارین قرارینی گروه کین
اولمادی اوچولده سرسپاه عشقه بیرمُعین
باغلیوبلاسویولون قالوبدی تشنه شاه دین
تشنه ائتدی جانینی ولایته فدا حسین
.
.
ائتموسن بو یولدا سن فدا علیّ اکبری
تا بلشدی کربلا چولونده قانه پیکری
وجده گتدی شور عشقی عرشیده ملکلری
گلدی عرش حقّیدن ندای مرحبا حسین
.
.
خیمه لردن العطش صداسی چاتدی گویلره
اصغرین سوسوزنواسی یتدی عرش داوره
تاسپاه کینه دن سو ایسته دون سن اصغره
اوچ پراوخ اولوبدی درداصغره دوا حسین
.
.
جان وئروبدی دشت کربلاده ساقی حرم
پارچالاندی باشی اوخلانوب گوزی یاتوب علم
کوفیان وزیریوین ائدوبله قوللارین قلم
عاقبت دوشوب محاقه ماه نینوا ،حسین
.
.
فکرین ای «مصیّبی» اگر سنون دواده دی
ساقی ولادن آل ، دوا او مه لقاده دی
گوزلرون اگر سنون دیار کربلاده دی
شاه کربلادن ایسته ایلیر عطا حسین
.
.

#سبک
پخش‌کننده صوت

?: @nohe_torki