زبدةالاشعار

قدسیان یاسه باتوب عالمِ معناده بوگون #سجادیه_شهاب_تبریزی

شهادت حضرت امام سجاد علیه السلام
.
✍️ زبدة الاشعار ✍️
.
🆔: @nohe_torki
.
#سبک_یارالی_جان_یارالی … 4 سیک
مشابه
.
مرحوم شهاب تبریزی
.
قدسیان یاسه باتوب عالمِ معناده بوگون
آغلوری لوح و قلم سیّد سجّاده بوگون
.
.
نه بنی نوع بشردور که باتوب ماتمه تک
غملنوب انجم وخورشید سما ماه فلک
نوحه خوان روح الأمین ناله ایدر جمله ملک
دوشنوب فرش عزا عرش معلّاده بوگون
.
.
دولدوروب عالم امکانی بوگون شور و نوا
بیر موثّر غمیله درده گلوب ارض و سما
اوصیا و رُسُل آغلار باش آچوب شیرخدا
قالمیوب تاب و توان آدم و حوّاده بوگون
.
.
چوخ مصیبت چکوب عالمده بو مولای علیل
مَنجنیق ستمون اولدی دچاری چو خلیل
عُمروجه سالدیلا غم آتشینه قوم رذیل
شیعه یانماقلیقا اولسون گرک آماده بوگون
.
.
کربلا واقعه سیندن صورا هر صبح و مسا
آغلادی جدّی حسینه واریدی قدرتی تا
ایمدیده سو گوره شاید که دیه وا اَبَتا
توکه گوزیاشی یوزه عالم بالاده بوگون
.
.
بولمورم هانسی غمین ایلیوم ای شیعه بیان
قولی باغلی نئجه عرض ایلوم اولوب شامه روان
یاده دوشدوقجا او احوالی گوگوللر اولی قان
اود سالور قلبیمه گلدوقجه غمی یاده بوگون
.
.
شامده گور نقدر چکدی مصیبت بو امام
کسلوب طاقت و آرامی اولوب صبری تمام
دوغمییدی بویوروبدور منی ایکاش آنام
گورمییدیله منی بستۀ قلّاده بوگون
.
.
وارد شام اولاندا او امام اوغلی امام
اود توکوبلر باشینا فرقۀ بی ننگ و لُئام
دوزدی هر بیر ستمی گوردی روا قوم ظُلام
آغلادان شیعه نی اول قصّه دی دنیاده بوگون
.
.
بزم شربه گیدوب آخرده اولوب دردی مزید
ساخیلوب قوللاری باغلی ایاق اوستونده یزید
خیزران ووردی آتا باشینه اول شوم عَنید
یئتدی غم واقعاً اول سیّد سجّاده بوگون
.
.
غم سجّادی ده قان آغلاسا عالم یری وار
گوزدن آخسا یوزه اشگون یرینه دَم یری وار
بو مصیبت گر ایده عالمی برهم یری وار
ماسوا یاسه باتا بو غم عُظماده بوگون
.
.
.
.
.
#سجادیه_شهادت
#قدسیان_یاسه_باتوب_عالم_معناده_بوگون
#شهاب_تبریزی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  سارالان یوزی عطشدن قوریان دوداقی لایلای #اصغریه_محیر_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی