زبانحال حضرت زینب(ع)خطاب به مدینه منوّره
.
#زبدةالاشعار
.
: @nohe_torki
.
#سبک_یارالی_جان_یارالی … 4 سبک
مشابه
پخش‌کننده صوت
مرحوم معزی اردبیلی
.
ای مدینه ئولوب عبّاسی مسافرلروون
پوزولوب ظلمیله سیماسی مسافرلروون
.
.
جدّیمین شهری یتیشدی سنه اولاد رسول
وورولوب خیمه قالوبدور هامی باحال ملول
بیز حسین سیز گلوروک تپراقووا ایتمه قبول
ساخلادی دشت غم افزاسی مسافرلروون
.
.
سندن عزّتله چخوب گوزلری پُر نم گلورم
ئولوب اَللّرده حسین قدّیم اولوب خم گلورم
یورقونام دردبدرم یوردی منی غم گلورم
گلمه دی یثربه مولاسی مسافرلروون
.
.
ایتمه دی حرمتینی شامیده دشمن قوناقا
سینی زرده حسین باشینی قویدی قاباقا
خیزران ووردی نچه دفعه یارالی دوداقا
اَسدی یاپراق کیمی اعضاسی مسافرلروون
.
.
جان ویروب امّ بنینون چوخ اورَه کُلی بالاسی
اوجا قامتلی شجاعتلی بیلکلی بالاسی
قول ویروب سو گتوره اِنلی کوره کُلی بالاسی
ایچمه دی تک سوئی سقّاسی مسافرلروون
.
.
بیلمورم آلسا خبر غصّه لی مادر نه دیوم
دیسه عبداللهی عبّاسیمی ایستر نه دیوم
گلسه صغرا دیسه عمّه هانی اکبر نه دیوم
پرپر اولموش گُل حمراسی مسافرلروون
.
.
غم اکبرده ووروب آل عبا باشلارینا
قاتدیلار خون دلی دائمی گوزیاشلارینا
اکبرین نذریلر اولموشدی قلم قاشلارینا
دوغرانوب یوسف لیلاسی مسافرلروون
.
.
تازه مولودیمیزین قرِخی اولوب یولدا تمام
قانلو صحراده آپاردی سو آلا بیکس امام
دوزه لوب آلتی آیی اوخ وورولوب گیتدی دوام
کسیلوب صبر و شکیباسی مسافرلروون
.
.
تازه داماد ووروب قاندان حنا اَللّرینه
نو عروسی گوتوروب قانی یاخوب تِللّرینه
اولدی عالم بوئی نِسگِل مَلِیَن اِیللّرینه
دوغرانوب قاسم زیباسی مسافرلروون
.
.
یاخشی دور گوگلیمیزی اهل مدینه آلالار
ولی پیشوازیده ایولرده گلیتلر قالالار
طوئی یاسه دونه نیم وار اوتانار صبر آزالار
چوخالار محنت عُظماسی مسافرلروون
.
.
قافلم ده آناسی تازه جوانسیز قَیِدوب
اوره گی فکر ایلمه آه و فغانسیز قَیِدوب
نو عروسیمده آداخلیدی نشان سیز قَیِدوب
آپاروب فرقه اعداسی مسافرلروون
.
.
ای مدینه یری وار ناله سماواته سالام
ایسته مور دای اورَه گیم بیرده بو دنیاده قالام
شامیده گوزلری یوللاردا ئولوب نازلی بالام
گَلمه دی خورداجا زهراسی مسافرلروون
.
.
بیر گونی گوردوم اوزوم غملی قالوب وقت غروب
دیدیم اشگون نیه گوزدن توکولوب یوزده دوروب
دیدیکی عمّه منی سیلی یوروب قمچی یوروب
اینجیوب بلبل شیداسی مسافرلروون
.
.
گلدی غسّاله گوروب گوز یاشی عمّان کیمیدی
ویرمدی غسل سوزوم آتش هجران کیمیدی
دیدی اَللّرده ئولوب حیف اولا جیران کیمیدی
قورولوب ماتمه اجلاسی مسافرلروون
.
.
ووردولار خصمه نه یالواردی نه ده دیندی بالام
شمری رویاده گورن وقتیده دیسگندی بالام
خورداجا قبریده آسوده یاتوب ایندی بالام
قلبیدن گیتدی تواناسی مسافرلروون
.
.
#ای_مدینه_ئولوب_عباسی_مسافرلروون
#ترکی
.
.
#زبدةالاشعار .
: @nohe_torki
نظر دهید