زبانحال حضرت علی اصغر (ع)
.
.
.
#سبک_ای_باشی_سرنیزده_معراج_ایدن
مشابه
.
حاج علیرضا امانی اردبیلی
.
صود امرم ، قانیمه غلطان آنا
حرمله اوخ ووردی لب عطشان آنا
درده معالج منم
باب الحوائج منم (1)
.
.
.
سالدی زمانه بیزی درد و غمه
سینووی آماج ائلیوب ماتمه
باب رجا اولدوم ایکی عالمه
فلسفه ی عشقیده
هر کیم ئولوب زنده دی
درگهیمه عالمین
اهلی پناهنده دی
درده معالج منم
باب الحوائح منم
.
.
.
فاطمه نین زینتینه زیورم
درگهیمه کیم قویا ئوز ، یاورم
هئچ کیمی اولماز الی بوش قیترم
هئچ گلنی قویمارام
آه شرر باریده
من الی بوش اولماقی
گوردوم علمداریده
درده معالج منم
باب الحوائج منم
.
.
.
فکر ائلمه اولدی یاریم ایل ، یاشیم
غیرتیم اوستونده آخوب گوز یاشیم
اوچ گئجه ده گوردی باجیم قارداشیم
قالدی کمک سیز بابام
یاندیم ئورک داغلادیم
اولمادی دیل آچماقا
چاره ، باخوب آغلادیم
درده معالج منم
باب الحوائج منم
.
.
.
آند اولا حلقیمده اولان یاریه
الله ئوزی یاریدی بیچاریه
باخما آنا خورداجا گهواریه
واردی علی اصغرین
رتبه ی زیبنده سی
درگهیمون صدقیلن
چوخدی پناهنده سی
درده معالج منم
باب الحوائج منم
.
(1) در اصل «باب حوائج» درست میباشد ولی چون در محاوره «باب الحوائج» مصطلح است اینگونه قید گردیده است.
.
.
.
#اصغریه_مدح #اصغریه_شهادت
#صود_امرم_قانیمه_غلطان_آنا
#ترکی #اصغریه
#زبدةالاشعار
خیلی سبک جالبی داره واقعا از زحماتتان تشکر می گردد دست مریزاد
سلام و احترام برادر بزرگوار و سرور گرامی
ممنون از حضور سبزتان … التماس دعا