زبدةالاشعار

ای منیم روحیم رضا،آرام جانیم گل اوغول #کاظمیه_اعظمی_تبریزی

زبانحال حضرت امام کاظم (ع)
.
✍️ #زبدةالاشعار ✍️
.
🆔: @nohe_torki
.
مرحوم اعظمی تبریزی
.
ای منیم روحیم رضا،آرام جانیم گل اوغول
یتدی محبسده تمامه امتحانیم گل اوغول
.
.
ظلم الیله تا چالندی شیشۀ صبریم داشا
بحر غم موج ائتدی آز قالدی اوغول باشدان آشا
گوشۀ زنداندا آخر عمریمی ویردیم باشا
باشیم اُسته یوخدور اما آغلیانیم گل اوغول
.
.
گل سنی حالی ایدیم درد فراقیمدن اوغول
اولقدر قالمور چیخا جانیم دوداقیمدن اوغول
کیمسه یوخدور کُنده نی آچسون ایاقیمدن اوغول
بیر کسه ایتمور اثر داد و فغانیم گل اوغول
.
.
رای آلوب قتلیمدن اوتری بزم شورا قوردولار
ویردیلر زهر جفا،عمریم گلون سولدوردولار
نیلمیشدیم بو قوجا وقتیمده سیلی ووردولار
ایتماقا ناله بوغمده ای جوانیم گل اوغول
.
.
بیله خلوت یر،خدادن ایستمیشدیم من اوزوم
شکر لله قرب حقدن تا قبول اولدی سوزوم
احتضار حالندیم اما قالوب یولدا گوزوم
گوزلریم یولدا، اولوب وردِ زبانیم گل اوغول
.
.
کردگاریم ایستیوب زنجیره بسته جان ویرم
گوشه زنداندا یالقوز دلشکسته جان ویرم
من گرک جدیم حسین تک تپراق اُسته جان ویرم
قویما یاسیم خوار اولا ای مهربانیم گل اوغول
.
.
وارثم چون جدّیمه دفنیم اولار تاخیریلن
اوقویولدی قبره زخم نیزه و شمشیریلن
سنده قوی قبره منی بو کُنده و زنجیریلن
بُلسون عالم باشه یتدی امتحانیم گل اوغول
.
.
هر آتا،جان ویرسه اطفالی یانیندا داد ایدر
صون نفسده گوز یاشیم صبریم ایوین بر باد ایدر
نه گلن وار نه گیدن، کیملر غریبی یاد ایدر
من غریبم بیر کسه گلمز گمانیم گل اوغول
.
.
یوخدی قیزلاریم یانیمدا داد و افغان ایلسون
کیم قیزیم معصومیه بو حالی اعلان ایلسون
حق اوزی هارونِ بیرحمیله دیوان ایلسون
جسمیده قالمور داخی تاب و توانیم گل اوغول
.
.
نیلیوم بیله یازوب کلک قضا تقدیر اوغول
تا ایاقیمده ویروم جان کنده و زنجیر اوغول
باغلانار زنجیره عالمده ولیکن شیر اوغول
چوخ سعادتدور چیخور محبسده جانیم گل اوغول
.
.
«اعظمی» باب الحوائج دامنیندن چکمه ال
حاجتون ایلر روا محبوب حیّ لم یزل
بو سوزی وردِ زبان ایله فغان و داده گل
ای منیم روحیم رضا آرام جانیم گل اوغول
.
.
#سبک_زینبم_جان_اوستیم (4 سبک سینه و زنجیر تک ضرب )
.
#کاظمیه_شهادت
#ای_منیم_روحیم_رضا_آرام_جانیم_گل_اوغول
#اعظمی_تبریزی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  چون روز ازلدن بودی پیمانیم الهی #حسینیه_عامل_سرابی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی