زبانحال حضرت زینب (س) در شهادت حضرت علی (ع)
.
✍️ #زبدةالاشعار ✍️
.
🆔: @nohe_torki
.
#سبک_ای_ویرن_ویرانه_یرده
.
مرحوم حاج حیدر خوندل تبریزی
.
ای نماز اوسته جمالی قانه غلطان وای بابام وای
بی وفا افراد الیندن باغرى آلقان وای بابام وای
.
.
ای وجودی دستگاه آفرینش افتخاری
وی سریر عشقه والی تخت عزت شهریاری
حقلیم عمرومجه اولسا گوز یاشیم هجرونده جاری
باغریمی درد فراقون ایلیوب قان وای بابام وای
.
.
ای بابا با اینکه سنسن خلقته بیر فرد کامل
بولمدى افسوس قدر و شأنوی بوقوم جاهل
کیمدی سندن غیر اولسون هل اتی شأنینده نازل
ای سراپای وجودی شرح قرآن وای بابام وای
.
.
گونده بیر نحویله قلبون داغلانوب سوز المدن
گوردون آلوده محیطی درده گلدون درد و غمدن
انتقاد ایتدون همیشه ظلمدن اهل ستمدن
قویمادون بو امره قالسون نقص و نقصان وای بابام وای
.
.
سن او مرد حقّ سن حق جلوه ایلر هر سوزوندن
بیر یتیم و مستمندی سالمادون اصلا گوزوندن
هر فقیر و دردمندی ایلدون راضی اوزوندن
ای وجودی عدل محض و لطف و احسان وای بابام وای
.
.
تا باشوندان دگدی جبراً تیغ زهر آلود دشمن
عالمین توپراق سپلماق باشینه اولدی مبرهن
چون که انسانیّتین شخصیّت ممتازی سنسن
سنله ارکان هدایت اولدی ویران وای بابام وای
.
.
جاهل اشخاصین الیندن بسکه اولموشدون معذّب
قانیله دولموشدی قلبون گوزلرون قربانی زینب
کلمۀ فزت و ربّ الکعبه دن روشندی مطلب
مشکلون شمشیر الیله اولدی آسان وای بابام وای
.
.
بسکه تحقیر ایتدیلر شخصیّتون بو قوم جاهل
بولمدی سنده اولان معنانی اوباش و اراذل
آغلارام من چون الیمدن گیتدی بیر انسان کامل
مثلوی هیهات گورسون چشم دوران وای بابام وای
.
.
بیر محیطی که سنه آرتوق واریدی احتیاجی
روشن اولسون نور افکارونله تا تیره زجاجی
حیف تبعیدونده تشخیص ایتدیلر راه علاجی
شهردن جبریله آیریلدون پریشان وای بابام وای
.
.
گوردولر سنسیز اولور آشفته تر امر خلافت
امر ایدوب جبراً خلیفه یا على قیل شهره رجعت
گلدون اما قویمادی افسوس اهل کینه راحت
باز تبعید ایتدیلر بو قوم عدوان وای بابام وای
.
.
گوردی نوروندن دوشور خفّاش بد فطرت شعاعه
صادر ایتدی امر، ویردی چنگ زیل امتناعه
یا علی گیت قال مُسیّجده قاریشما اجتماعه
نیّر چرخ هدانی ایتدی پنهان وای بابام وای
.
.
#حیدریه_خوندل_تبریزی
#حیدریه_شهادت
#ای_نماز_اوسته_جمالی_قانه_غلطان_وای_بابام_وای
#ترکی
.
✍️ #زبدةالاشعار ✍️
.
🆔: @nohe_torki
نظر دهید