ای ویرن قنداقی عرشه شرف وپیرایه #حسینیه_حضرتی_هاتف

میلادیه حضرت اباعبدالله الحسین (ع)
..
..
..
..
سعید حضرتی ( هاتف )
..
..
..
..
ای وئرن قنداقی عرشه شرف وپیرایه
قرمزی پرچمی سالمیش یئر اوزینده سایه
.
روز میلادی ویران بیر بیره عرش و فرشی
ولوله سالدی بو مولود دل دنیایه
.
تا یئر اهلی اولا آگه، گویون اهلی توکولوب
تهنیت عرض ائلیوب فوج ملک زهرایه
.
گوز آچیب آهو قوجاقینده جهانه آهو
شیر نر فخر ائلیور بیشه ده که غوغایه
.
فرصتی بیلدی غنیمت یئتوروب تئز فطرس
تا که درمان ائده قلبینده غم عظمایه
.
بیلدی واردور نه قدر ارزشی اللهه بونون
یوخدی تا بوندان اولا قربیده بیر هم پایه
.
مطمئن اولدی که الله اونی بوش قئیتر مز
دیلده که ایسته دیقی گئتمیجاق بی جایه
.
تئز نزول ائیله دی زهرا ائوینه بی تاخیر
سورتدی یانمیش پر و بالین او گل زیبایه
.
قنداقیندان شرف آلدی او یانان بال وپر
تاپدی عزت ائدیب افلاکه اونی آرایه
.
عرض ائدوب گویده ملک لر که خدا رخصت وئر
که گئدیب یئرده اولاخ زائر او مه سیمایه
.
امر ائدیب الله اودم، منده سیزه تای، تشنه
ایستیرم منده باخام سیر او دل آرایه
.
تئز گئدیب قنداقی حمل ائیلیوب عرشه گتیرون
ایستیرم عرشیمه قنداقی وئره پیرایه
.
من اوزوم هامیدان عاشقترم اول مولوده
ائیلورم فخر که وار منده بئله سرمایه
.
آخر عمریده گر سیر ائلیوبدور عرشی
اولین گونده ویریب طعنه حسین عیسایه
.
کیم گوروب قنداقیلا گئتسین اوشاق معراجه؟
اهل عشق عارف اولار بزمیده بیر ایمایه
.
قنداقی بال وپر سوخته یه لطف ائلییه ن
وئره جاخ حتمی دل سوخته یه آلایه
.
ایندی که دنیادا واردور بئله بیر مولامیز
دوز دگور ال آچاق اوندان صورا بیر آقایه
.
“هاتفین”بیرجه امیدی بودور اوز عمرینده
کربلاده اولا بیر گون او شهه همسایه
..
..
..
..
#حسینیه_میلادیه
#ای_ویرن_قنداقی_عرشه_شرف_و_پیرایه
#ترکی
#زبدةالاشعار #حسینیه #حضرتی_هاتف