پندیات
گریز به شهادت امام حسین علیه السّلام
..
..
..
..
منتظری شریف آبادی
..
..
..
..
ای چشم عبرت بین اویان بسدور داخی خواب گران
دقّتله باخ بیر عالمه دنیایه باغلانما آمان
..
بو بی وفا طنّازه دن کام آلمیوبدور بیر نفر
دائم یالان لبخندینون ربح و رباسی نقد جان
..
عاقل گرک آلّانمیا بش گون مجازی لذّته
آینده ده بازنده دور امّاره نفسی شاداولان
..
اَلموتُ یأتی بَغتةً و القبرُ صُندوقُ العَمل
عین حقیقتدور دیوب اول شاعر واقع بیان
..
الدن آلار انسانلارین پیک اجل عنوانلارین
ویلا و قصری غصب ایدر یاش تپراقی ایلر مکان
..
آئینه دور عبرت نما قدرت مداران سلف
نولدی سلیمان هاردادور اسکندر صاحبقران
..
رستم هانی مرد جدل گیتدی هارا سهراب یل
باخ گور نجه محو اولدولار ساسانیان اشکانیان
..
ویرمز اثر دونسه ورق خوارزمشاهون جرئتی
بیچاره دور بو ورطه ده نادر شه کشور ستان
..
بهرام گوری گور اوتوب قارونی بو تپراق دوتوب
کام آلدی هاشا دهریدن گردان ایران باستان
..
نولدی نصیریلر هانی شعبان بی مُخدان اثر
خوش نامدور تا وار جهان غیرتلی تختی پهلوان
..
گیت پوریا اول ای جوان جام جوانمردی قازان
یازسون فتوّت دفتری تترونده آدین قهرمان
..
دوشمه انیشتین فکرینه ایله ادیسون تک عمل
خدمت کلاسونده ایشون تدریس اولونسون جاودان
..
قدرتلی هیتلر نیلدی تا که واشینتون نیلیه
باخما او یاوه سوزلره بیهوده اولما ناگران
..
مشکلدی مشگل حلّ ایده دیوار ضد موشکی
جنگ ستاره محو اولوب ترفند دیگر دور اینان
..
تهدید بد فرجامیدن قورخماز شهادت شیعه سی
شاگرد عالی همّته سخت اولسا خوشدورامتحان
..
استاد دانشگاهمیزکرب و بلالیدور بیزیم
تاریخ عاشورا گرک تکرار اولونسون هر زمان
..
ثابتدی بو آزاده لوق خطّی حسینون خطّی دور
تأمین اولار وقر جهان تضمین اولار وصل جنان
..
گلدی حسینون گل آدی دل آچدی طبعیم بلبلی
قان آغلادی الده قلم غم دفتری غرق فغان
..
یادیمه دوشدی غربتی عشق عالمی جدّیّتی
گیتدی وفالی ئیلّری تک قالدی میر کاروان
..
هضم ایتدی واحد کثرتی رنج و بلاو محنتی
اولدی مُسَجَّل وحدتی اطرفین آلدی دشمنان
..
جنگ ایلدی بی واهمه دلبند پاک فاطمه
تاپدی توانی خاتمه از بس دگوب تیر و سنان
..
بیر یاندا پرپر گلّری قولسوزدوشوب سرلشگری
آغلور خِیمده قیزلری آواره بیکس بانوان
..
فکر ایلدی اول مقتدی بیر نچّه لحظه دینجَله
قویدی غلافه تیغنی پور امیر مؤمنان
…
بیرداش ووروب پیشانیِ ایزد نمادن بیر دنی
قاش پارچالاندی دیدۀ حق بینه پرده چکدی قان
..
جمع ایلدی دستمال تک مولا الینه دامنی
خشک ایلیه قانی اولوب آی تک گوزل صدری عیان
…
گوردی اوحالی حرمله ال ایتدی اوچ شعبه اوخا
بسدور اشاره آغلادی ظلمینه اهل آسمان
..
چیخدی مبارک کتفدن اوچ شعبه پیکانون اوجی
عین عبارتدور اولوب قان جاری مثل ناودان
..
بیرال اورکده بیر الی قانی آخان پیشانیده
آت اوسته ممکن اولمادی تاب ایتسون اول عرش آستان
..
سسلندی انّا لِلَّه و اِنّا اِلیهِ راجعون
دوشدی بلا صحرا سنه عبد غریق امتنان
..
اول محرم پاکیزه راز هیچ ایتمدی دلداره ناز
قانیله آلدی دستماز یوخ اکبری ویرسون اذان
..
قویدی یارالی آننونی تپراقه فخرُالعارفین
لبلرسوسوزچیخمورنفس کانون عشقی خونفشان
..
عرض ایتدی اولدی دلبرا ویران اورک ویرانه تر
خلوتسرای عشقیده قیل منزل ای کنز نهان
..
سن راضی اول لذّت ویرر دگسه نقدری اوخ منه
اهل وَلا شایسته دور اولسون بلایه میزبان
..
چوخدور دیمم کمدور بلا ایتمم بلایه اعتنا
هر نه بلا آرتوخ اولا دلخوشدی خسته میهمان
..
دگسون یارا من جان دیوم جان دلبره قربان دیوم
حاشا انالعطشان دیوم ایتسم گله یانسون زبان
..
قان جسممون پیرایه سی عالیدی نیزه سایه سی
اوخ اصغریمون دایه سی نازک بوغازی ارمغان
..
پرپردی یتموش بیرگلوم سینمده پیکان سنبلوم
خردا رقیّه بلبلوم میدان عشقیم گلسِتان
..
قالدی بلالی زینبیم دایم عزالی زینبیم
قلبی یارالی زینبیم اطفال زاره پاسبان
..
فرصت تاپاندا مختصر یاز منتظر قالسون اثر
محشر گونی درده دگر اولسا عیان یاخشی یامان
..
..
..
..
..
#پندیات #منتظری #حسینیه_منتظری #حسینیه_شهادت #ترکی #حسینیه #زبدةالاشعار
نظر دهید