کوچ از قتلگاه
.
✍️ #زبدةالاشعار ✍️
.
🆔: @nohe_torki
.
#سبک_ای_باد_صبا … 7 سبک
مشابه
.
مرحوم ملا عبادالله غمگین اردبیلی
.
.
کیم سن تک آنام اوغلی جلای وطن اولدی
گلدی بو بلالی چوله غرق محن اولدی
.
.
بو قوم ستمگر گوره سن دویدی جفادن
سیراب ایلدی یر یوزینی خون خدادن
آخر باشیوی کسدیله ظلمیله قفادن
تشنه سنی ئولدوردوله یا سو ویرن اولدی؟
.
.
صد پاره سالوب نعشیوی بو فرقۀ عدوان
باشسیز بدنون ایسّی قوم استه قالوب عریان
غسلون سنون اولموش یارالاروندان آخان قان
گل جسمیوه خاشاک حنوط و کفن اولدی
.
.
دوغمیدی آنام فاطمه بو زینبی ای کاش
بو حالیده گورمیدیم حسین جان سنی قارداش
باخدوقجا سنه جاری گوزومدن اولی قانیاش
آخرده باجون گور نقدر غم چکن اولدی
.
.
دوغراندی بو صحراده سوسوز قاسم و اکبر
گل یوزلی جوانلار بویانوب قانه سراسر
بیر گونده حسین رونق گلزار پیمبر
باد ستمیله گلی سولموش چمن اولدی
.
.
وورموش او یارالی باشیوی نیزیه دشمن
هر یانه باشون گیتسه دالینجا گلرم من
هردم باجیوا بیر باخ او قانلی گوزیلن سن
گور زینبی مغلول طناب و رسن اولدی
.
.
گتدون نه جلالیله منی ای شه ابرار
صاق و صولومی آلدی جوانان وفادار
ایمدی قولی باغلی هم اوزوم شمره گرفتار
شامه گیدورم گور منه بیر رحم ایدن اولدی؟
.
.
بو نهر فرات اوسته سوسوز ویردون حسین جان
چیخماز بو غم و محنتون حشره کیمی یاددان
آزدور سن ایچون خلق جهان آغلاسالار قان
دنیا ایوی سندن صورا بیت الحزن اولدی
.
.
«غمگین» غم و اندوه و بلای شه مظلوم
حشره کیمی اولسا رقم اولماز گینه مختوم
اوخشاردی حسینی بیله اول زینب مظلوم
کیم سن تک آنام اوغلی جلای وطن اولدی
.
.
#کوچ_کربلا #غمگین_اردبیلی
#کیم_سن_تک_آنام_اوغلی_جلای_وطن_اولدی
#ترکی
.
✍️ #زبدةالاشعار ✍️
.
🆔: @nohe_torki
نظر دهید