گفتگو با کربلا
گریز به حضرت اباالفضل العباس (ع)
.
✍️ #زبدةالاشعار ✍️
?: @nohe_torki
.
مرحوم صدری اردبیلی
.
ای کرب و بلا مدفن شاه شهداسن
آرامگه یتمیش ایکی تشنه فداسن
.
.
ای دشت بلا سنده گورونموش ائله حکمت
سنسن ایکی عالم ائوینه باب کرامت
وار سنده نچه گوهر با ارزش و قیمت
هم جلوه گهِ دائمیِ نورِ خداسن
.
.
سنده توکولوب خون خدا جوش ائلیوبدور
عطرون بورویوب عالمی مدهوش ائلیوبدور
لب تشنه حسین جام اجل نوش ائلیوبدور
باعث اودی که دهرده هر درده دواسن
.
.
بیر وادیِ لم یزرعدون روی زمینده
بی آب و علف جلگه یسارونده یمینده
صیّاد اجل سنده او گون قالدی کمینده
بُلموشدی سنی بارگهِ آلِ عباسن
.
.
ای وادیِ پر خوف و خطر وحشت و دهشت
سنده یوخودی دهرده اصلا ائله قیمت
زهرانون عزیز اوغلی سنه وئردی سعادت
حشره کیمی سن قبله گهِ شاه و گداسن
.
.
مشهوردی عالمده اگر چشمۀ زمزم
زمزم اودی که جاری اولا قانیله باهم
عبّاسون اوزون قولّارینون قانینه علقم
مخلوط ائلدی اوز سویونی خا شفاسن
.
.
سؤز چکدی سؤزی گتدی همین یرده دایاندی
مشکی علمی قولّاری القانه بویاندی
سو آخدی یره تشنه لرون حالینه یاندی
ای سو نیه بو زحمتیمی ائتدون هوا سن
.
.
آخدون یره سن اولمادون عطشانلارا قسمت
عبّاسه کمک ایلمدون اولدی خجالت
وئرمیشدیم ایکی قوللاری بو مشکه ضمانت
افسوس ائدرم ایلمدون عهده وفا سن
.
.
گوزلر یولومی ایندی منیم خرداجا قزلار
جام الده هامی عورت اوشاق جمله سوسوزلار
اول خیمه لره گئتمگیمه ائتمرم اصرار
من شرم ائدرم ایلمدون شرم و حیا سن
.
.
ای شیر خدا اوغلی علمداری حسینون
سرداری سپهداری وفاداری حسینون
آخر سنیدون غم گونی غمخواری حسینون
امّید حسین پادشه ارض و سماسن
.
.
صحرای بلاده او بلا ساعتی ، عبّاس
سندن صورا خم اولدی حسین قامتی ، عبّاس
جنگ ایلمگه قالمادی بیر طاقتی ، عبّاس
سسلندی اخی گوردی که بی صوت و صداسن
.
.
قانلو یوزووه قویدی یوزون اؤپدی یوزوندن
باشوندن آخان قانی حسین سیلدی گوزوندن
درک ایلدی بیر کلمه او آهسته سوزوندن
آغلاتدون اونی سویلدون : ای شاه ، رضاسن؟
.
.
دربار ابوالفضلده بیر عبد ذلیلم
افسرده و دلخسته و رنجور و علیلم
لطف ایله منه «صدریم» ای شاه دخیلم
من شاه درگاهم و سن باب نجاسن
.
#سبک_ای_باد_صبا ( بیش از 7 سبک)
.
#کربلا
#آرزوی_کربلا
#عباسیه_شهادت
#صدری_اردبیلی
برگرفته از #بهارستان_یحیوی
#ترکی
.
✍️ #زبدةالاشعار ✍️
?: @nohe_torki
نظر دهید