ای کریم الکرام یا مولا – #حسینیه_شاهی_اردبیلی

غارت خیام
.
زبدة الاشعار

?: @nohe_torki
.
شاهی اردبیلی
.
ای کریم الکرام یا مولا
ای عظیم العظام یا مولا
.
مین امیدیله گلمیشم قاپوا
السلام السلام یا مولا
.
مرحمت قیل که قوللوقوندا سنون
هم قولام هم غلام یا مولا
.
نه تخلص نه آد نه قول نه غلام
نوکره یوخدی نام یا مولا
.
بنده بیر غرق معصیت امت
سن امام همام یا مولا
.
اوتوز ایلدور حسین حسین دیورم
المدام المدام یا مولا
.
آیری بیر آد چاغیرسام عمریمده
عمریم اولسون حرام یا مولا
.
زاهد ایستر بهشتی ، بنده سنی
فرق ائدر خاص و عام یا مولا
.
جسم تو دلرباست جانت نیز
دم زنم از کدام یا مولا
.
بی ولای تو چیست لطف سجود
یا چه دارد صیام یا مولا
.
این بُود بی نتیجه روز حساب
آن بُود ناتمام یا مولا
.
ئولسه کافر آدون دیلینده اگر
تاپدی حُسن خِتام یا مولا
.
غرقدور مدحتونده عالم لر
نه دیوم من عوام یا مولا
.
خلق بیت الحرامی طوف ایلر
سنی بیت الحرام یا مولا
.
قوی دیوم ساده عبدسن اما
عبد ایزد مقام یا مولا
.
سویلرم روز و شب حسینیم وای
آغلارام صبح و شام یا مولا
.
.
«شاهیم» سرشکسته نوکرووم
الی بوش ورشکسته نوکرووم
.
.
سن نه محتاج جسم و جوهر سن
جوهر و جسمدن فراتر سن
.
هر زمان بیر رطولدور رهبر
سن ولی هر زماندا رهبر سن
.
کعبه کیمدور سنون کنارونده
اللی مین کعبیه برابرسن
.
مولرون فاش ائدور مگو سرین
کشف اسرارسن سراسر سن
.
مثلی اولسیدی گر خداوندین
عرض ائدردیم خدایه بنذرسن
.
نه دیوم من که قالمیشام حیران
اودا اکبردی سنده اکبرسن
.
سنه امتدی جان جبرائیل
روح پیغمبره پیمبر سن
.
خنجر و نیزه دن نه باکون وار؟
سن مگر پایبند پیکر سن
.
آلنوی یارسالاردا مولا سن
باشوی کسسه لرده سرور سن
.
لبلرون قوی عطشدن اود دوتسون
سن که اوددان بنفشه بسلرسن
.
قانه دونمیش فراتی نیلورسن
سنکه عین الحیات اظهرسن
.
گرچه یوزمیندی انبیا سن بیر
صِفر اولاریوزمین اولماسون گر سن
.
هب لنا من لدنک یا مولی
که رفیع و شفیع و یاورسن
.
سن بیل اصغر توجه ایله منه
بیلورم اصغری چوخ ایسترسن
.
دوزدی من بیر غبار ناچیزم
سن ولی شمس مهر پرورسن
.
.
ناری نور ایلین گوزل سن سن
روحی مست ایلین غزل سن سن
.
.
کیم سنی بیر یول ائتدی یاد حسین
یتمیش ایل ایلدی جهاد حسین
.
ای گل لم یلد ولم یولد
مادری مثل تو نزاد حسین
.
روح روید ز نوک هر مویت
ریزد از دامنت فؤاد حسین
.
غم تو اعتبار عمر من است
بی غمت عمر من مباد حسین
.
منکرت شد سواد و دانش اگر
ننگ بر دانش و سواد حسین
.
سنی انکار ائدن جماعتده
نه شرف وار نه اعتقاد حسین
.
مستقیماً یتیشدی اللهه
تاپدی چون نورون امتداد حسین
.
دییه بیلسه اود ایچره شمر آدوی
اودی خاموش ائدر او آد حسین
.
بنده بیر نوکرم که آخسا قانیم
ثبت ائدر یرده زنده باد حسین
.
حرمت حسنوون کنارینده
قوی دیوم هرچه باد، باد حسین
.
«یحیوی» حجی گوردی کم قیمت
گورمیشم عدنی من کساد حسین
.
سنی روح نماز ائدر تعریف
سنه محتاجدور معاد حسین
.
داد او دمدن که سوکدی قلبوی اوخ
قوپدی مین بیر سسیله داد حسین
.
دورد طرفدن گتوردی حمله عرب
تاپدی نامردلر مراد حسین
.
زینیدن ذوالجلالی ظلمیلن
یخدی اعراب بدنهاد حسین
.
.
بیر یره یتدی ایش او صحراده
که پیمبر باش آچدی زهراده
.
.
دئدیلر ای احد که عطشانسان
عطشان اولسوندا ساقی جانسان
.
مثلون اولماز سنون که سرتاسر
زهد و تقوی و عشق و عرفانسان
.
بو چوخور جایگهده نیلورسن
سن که خوان خدایه مهمانسان
.
ای گویون قبله سی یرین قدری
یرده غلطان سماده سلطانسان
.
اوجده موجلر ورار نورون
حیف ئوزون غرق تیر و پیکانسان
.
آیریلوب رشته رشته عضولرون
ایله بیل آیه آیه قرآنسان
.
ای دوداقی گهر بوغازی گوموش
نیه باشدان باشا قزیل قانسان
.
گور نه حاله سالوبدی قلبوی اوخ
اوخ نه بیلسین که روح رحمانسان
.
اوخدادا گورمورم گناه ای شاه
سن نه مغلوب تیر عدوانسان
.
داغیلوب اکبرون ئولنده بو قلب
اوغلوون زلفی تک پریشانسان
.
نه پریشان بهشتیدور بدنون
یارالار گل ئوزون گلستانسان
.
یازیلوب هر یاروندا صد تفسیر
سنه قربان هزار دستانسان
.
نه اورک وار نه سینه وار نه کورک
گِنه ده مست مست مستانسان
.
زینبون یوز یول ال آتیر باشینا
بیر دئمور سن باجیم نه گریانسان
.
قزلارون ناله ایلیور نی تک
سن ولی گل مثالی خندانسان
.
سئنوب عباس ئولنده گرچه بئلون
گِنه ده رشک سرو بستانسان
.
.
دوزَلِیدی دوباره قدون کاش
سنه قربان اولیدی جدون کاش
.
.
ننگ و نفرین بو قوم کج هنره
گور نه ظلم ائتمیش افضل البشره
.
اشکیلن شستشو وئریدیم کاش
ای بحارالحکم بو یاره لره
.
حیف او عشق و علاقه مجلسینی
پوزدی ناگه سپاه بد شجره
.
دولدی میدانه دیو و اهریمن
سالدی ارض و سمانی شور و شره
.
ناتراشیده بد قیافه عرب
فرق بیلمز تباریلن تبره
.
بوینونا آسلار استخوان شتر
اوخشایار شاخدار جانوره
.
اورک آهن شعور داش گوز قان
قاش دوگون لب کبود روی قره
.
حمله ور اولدیلار او هیبتده
دختران یتیم و خونجگره
.
پا برهنه گشاده سر بالالار
سینق آی تک سپیلدی صحنه لره
.

چوخی چون هم آجیدی هم تشنه
تا قاچوب دورد قدم یخیلدی یره
.
قورخودان گورمیوب دوباره ئوزین
ایاق آلتیندا سالدیلار خطره
.
رحم و انصاف وار عربده مگر
دیو چاتماز بو قوم خیره سره
.
ئوز قزین زنده زنده قبره قویان
رحم ائدر هاردان اول یتیم لره
.
ایسته سون حالینی او طفل لرین
یارپاقی اود ایچینده آل نظره
.
یا خیال عالمینده بیر قوشا باخ
که یولوبلار قنادین اون فقره
.
یومدی گوز ناله ائتدی پیغمبر
او کبوترلره او بال و پره
.
.
این سخن شد ز چشم حضرت فاش
کاین بلا را ندیده بودم کاش
.
.
تازه آغاز اولوردی ای کاش لار
که فغان ائتدی ناگهان داشلار
.
شعله‌لنمیش چماقلار اللرده
بیر بیرینن قاریشدی اوباشلار
.
نازنین طفل لر اتکده اَلو
قوریوب گوزده قورخودان یاشلار
.
پارۀ نور تک سپیلدی چوله
نه بیلور قدر نوری خفاشلار
.
گل لری قوودی آت قباقینده
خون خور و خون مرام و خون پاشلار
.
یا حسین دیللرینده ال باشدا
یومدی گوز قاچدی اول قلم قاشلار
.
بی هدف بی مدد سراسیمه
داغیلوب دشته یار و یولداشلار
.
چوخی سمت سپاهه ائتدی فرار
آت دوشینن توخاندی چوخ باشلار
.
بعضی لر دوردی دوردوقی یرده
هم سویوب همده وردی اوباشلار
.
بعضی لر قارداشین چاغیردی ولی
قاندا مستغرقیدی قارداشلار
.
چوخی هوشدان گئدوب یخیلدی یره
قالدی آت دیرناقیندا چوخ ساشلار
.
دینجلر حمله دن مگر سویولان؟
بو طرف قورتارار او تای باشلار
.
دئمه ضربت یاغار یتیم لره
گل لری سویله وحشیلر داشلار
.
تیتره در عرصه گاهی عربده لر
دولدورار آسمانی پرخاشلار
.
.
حربه دی ،ضربه دی،چماقدی کمند
یتیشوب اوجینه بگیر و ببند
.
.
مردم رذل و پست و هیچ و حقیر
خوردا سید لری ائدوبلر اسیر
.
تنگه سالمیش امامزاده لری
امت شوم و نانجیب و اجیر
.
بولارون حسی داشدی روحی تیکان
اولارون روحی گولدی حسی حریر
.
اولاری ایلر انبیا تعریف
بولاری ایلر اهرمن تحقیر
.
بولارون ظلم و جور و واهمه سی
اولاری زندگیدن ائتمیش سیر
.
آلتی الده قالوبدی بیر روبند
چنگ آتار بیر قولاقه یدی شریر
.
قمچی بیر ایش گوروب او صحراده
که اولوب رو سفید خنجر و تیر
.
مرز و اندازه دن چیخوب وحشت
آغلار اول وحشته بشیر و نذیر
.
تازیانه وورار کبیر قوی
قول قباقه وئرر ضعیف صغیر
.
دئمورم جنگده توکولمز قان
دئمورم جسمی دوغراماز شمشیر
.
دئمورم اهل بیت اسیر اولماز
دئمورم اینجیمز صغیر و کبیر
.
دئیورم هانسی قوم دنیاده
بلبلون بوینونا ورار زنجیر
.
اوشاقین گردنین بویوک قولونا
باغلیوب جنگ لرده هانسی امیر
.
او بویونلار کی کسدی ایپ اولاری
ایندیده عالمه ائدر تاثیر
.
.
ساخلیوب آسمان او تصویری
طوف ائدر قدسیان او تصویری
.
.
#حسینیه_مدح
#غارت_خیام
#ای_کریم_الکرام_یا_مولا
#شاهی_اردبیلی
#ترکی
.
#زبدةالاشعار

?: @nohe_torki