ای گوزوم آغلا مدام آل علی غملرینه #ورود_مدینه_غفاری_زنجانی

ورود اهلبیت علیهم السلام به مدینه
..
..
..
..
#سبک_یارالی_جان_یارالی … #سبک_شهریاریمسن_آقا … #سبک_کربلا_منتظر_ماست … 4 سبک
#سبک_ای_منیم_آرخام_ایلیم (با اضافه کردن واگیر)
..
..
..
..
حاج اکبر غفاری زنجانی
..
..
..
..
..
ای گوزوم آغلا مدام آل علی غملرینه
قات بو اشک تریوی زینبون اشک ترینه
..
..
..
..
آیریلوب کرب و بلادن گوزی یاشلی اسرا
طی راه ایتدی او غم قافله سی صبح و مسی
دوشدی دروازه ی یثربده او جمع صلحا
هره آغلاردی او گون الده ئولن دلبرینه
..
..
..
..
حضرت سید سجاد او بی مثل و نظیر
ایتدی احضار بشیری دیدی ای پاک ضمیر
گیدوب اهل وطنی ایله بو اوضاعه خبیر
سن یتور غم خبرین اهل وطن محضرینه
..
..
..
..
ویر خبر آگه اولون قافله ی غم قیدوب
غصه لی اشک فشان عترت خاتم قیدوب
زینبون قامتی غملردن اولوب خم قیدوب
چون اسوب باد مخالف چمن حیدرینه
..
..
..
..
ایتمیون ای وطن اهلی داخی ایولرده مقام
ایتمیون صبحوزی آسوده حسین سیز بلی شام
عترتین حرمتینی ساخلامادی قوم ظلام
ظلم بی حدّ ایلیوب امتی پیغمبرینه
..
..
..
..
یتشوب قتله حسین واردی یری لیل و نهار
گوزلروز آغلیا بو محنته چون ابر بهار
سو کنارینده سوسوز قانه باتوب خرد و کبار
چکدولر باشلارینی ظلم و جفا خنجرینه
..
..
..
..
سوسوز ئولدولر انصار حقی قوم دنی
قالدی عریان قوری یرلرده حسینون بدنی
اولمادی قبر قازان اولمادی بیر دفن ایدنی
بوریا اولدی کفن یاره لی گل پیکرینه
..
..
..
..
یاره لی باشی سر نیزه ده معراج ایلدی
باشنه باشدان آخان قانی حسین تاج ایلدی
غملری عترتنون صبرینی تاراج ایلدی
مطبخ خولی مکان اولدی سر انورینه
..
..
..
..
اولدی وقتیکه حسین مطبخ خولیده قوناق
جنت اهلین نگران گتدی اورا قوم نفاق
گلدی زهرا بالاسین اوخشادی گویا بو سیاق
ای غم و غصه سی جانسوز اولان ئوز مادرینه
..
..
..
..
بالا ای سینه گلوم سن هارا بو مطبخ هارا
طاقت قلبیمی واردور یری غملر آپارا
دور گل آغوشمه باشنده اوغول واردی یارا
یتورور صدمه او کول ما خلقین مفخرینه
..
..
..
..
بی وفا کوفه لیلر سالدی بلایه باشینی
قانه دوندردی حسینون غمی اول گوزیاشینی
چکدولر تیغ جفایه هم اوغول‌ قارداشینی
عرصه تنگ اولدی او انصار وفا پرورینه
..
..
..
..
گوئیا صوت بشیر اولدی اودم نفخۀ صور
شهر یثربده بپا ایلدی بیر شور و نشور
صحنۀ محشر کبری ایله بیل اولدی ظهور
آغلاشوبلار هامولار کرب و بلا محشرینه
..
..
..
..
روضۀ جدینه زینب گیدوب آشفته خیال
اهل بیتین دیدی جدّا قیدوب دلده ملال
حرم احوالینی آغلار بو گوزومدن خبر آل
آغلا ئوز عترتوین حالت حزن آورینه
..
..
..
..
دور سوروش مندن حسینون بابا دوشدی نه حالا
دانشوم محضریوه عرشه فغانون اوجالا
حقی واردی بو قیزون زینب نالان قوجالا
حدّ سیز غملر اوخی دگدی دل مضطرینه
..
..
..
..
بابا دور قلبده بو محنت و آلامی سوروش
کوفه محنتلرینی، رنج و غم شامی سوروش
کربلا قصه لرین، غصه لی ایامی سوروش
زینبون ایندی ئوزون آغلا بابا گونلرینه
..
..
..
..
چوخدی دردیم بیلوسن چوخدی بو قلبیمده سوزوم
قوی دیوم بزم یزید ایچره نلر گوردی گوزوم
قلب زینبدن اونون ظلملری آلدی دوزوم
یازاجاخ بو سوزی «غفاریده» غم دفترینه
..
..
..
..
#ورود_مدینه #غفاری_زنجانی #ترکی #زبدةالاشعار