زبدةالاشعار

بولمم نسیم طرّۀ طراره ناز ایدر #حسینیه_سعدی_زمان

میلاد باسعادت حضرت اباعبدالله الحسین (ع)
#گریز به شهادت
.
✍️ #زبدةالاشعار ✍️
.
🆔: @nohe_torki
.
مرحوم سیدرضا حسینی سعدی زمان
.
بولمم نسیم طرّۀ طراره ناز ایدر
یا حُسن یار یوزده اولان تاره ناز ایدر
.
نظم و نظام زلف نگاری صبا پوزار
چشم خمار زلف سمنباره ناز ایدر
.
صبحین نسیمی زلف نگاره رقیب دور
وجهی بودور رقیبی گورر یاره ناز ایدر
.
گل یوزلی یار گلدن آلوب ناز مشقینی
گلشنده چون گوروبدی که گل خاره ناز ایدر
.
گلشنده هر گلین اولی بیر بلبل عاشقی
هر گل بیر عندلیب دل افکاره ناز ایدر
.
امّا او گل که مندن آلوب صبر و اختیار
بیر گلدی ایتسه گللره نظّاره ناز ایدر
.
بیرگلدی مین لریله اونون واردی بلبلی
عشقنده درد عشقه گرفتاره ناز ایدر
.
بیر گلدی بو که دامن زهرادی گلشنی
یار اولسا خار بوگله گلزاره ناز ایدر
.
بیر گلدی باغبانی بونون مرتضی علی
دلدادہ سی بونون هامی دلداره ناز ایدر
.
بیر گلدی بلبلی بو گلین فخر کاینات
عّلت اودور مؤثر و آثاره ناز ایدر
.
لعیا و جبرئیله بو گلدندی افتخار
یاری بهشت و عرشده اغیاره ناز ایدر
.
بیر گلدی بو که آغلادور عصرین امامنی
گوز یاشی دلده دیدۂ خونباره ناز ایدر
.
لایق دگلدی هیچ سو بونون شُست و شوسینه
تغسیله جدّی آب سزاواره ناز ایدر
.
جبریل سلسبیلیله زلفین یودی اودور
جنّتده سلسبیل هامی انهاره ناز ایدر
.
بیر گلدی بو که گللر آلوب بوندان آب رنگ
خاره توجّه ایتسه گل ناره ناز ایدر
.
عرشه آدین چراغ هدایت یازوبدولار
بیر نوردور که مطلع انواره ناز ایدر
.
ای اسم اعظم آختاران اسم حسینی تاپ
بو اسم ، اسم اعظم داداره ناز ایدر
.
قلب وجود و محور ایجاده نقطه دور
پرگار چرخدور بونا ، پرگاره ناز ایدر
.
بیر گلدی باشلانوبدی بهاری مدینه ده
یثرب بوعلّته هامی امصاره ناز ایدر
.
کرببلاده اولدی خزان بوگل بهار
باد خزان اودور هامی اشجاره ناز ایدر
.
آغوشه آلدی بوگلی چون کربلا یری
علّت او دور که گنبد دوّاره ناز ایدر
.
دولدی یارالی پیکری خار خدنگیله
تیر بلایه پیکر صد پاره ناز ایدر
.
گون ایستیسنده تشنه دلی العطش دیر
آل رسول مؤمنی، کفّاره ناز ایدر
.
عین الحیات گرچه سوسوزدور یارالیدور
امّا دگنده جسمینه هر یاره ناز ایدر
.
ساقی کوثر اوغلیدی ایچمز فراتدن
گویا آتاسی حیدر کرارّه ناز ایدر
.
اوچ شعبه لی خدنگیله دل شیشه سی سنوب
قلب شکستی قدرت جبّاره فاز ایدر
.
ویرمور اجازه خنجرہ کسسون بوغازینی
حق محضرینده خنجر خونخواره ناز ایدر
.
جسمی یر اؤسته نیزه ده قرآن اوخور باش
آیات محکماتیله اذکاره ناز ایدر
.
عریان قویوبلا پیکرینی گیموری کفن
وجهی بودور که قادر قهّاره ناز ایدر
.
ناز ایلوری عوالم امکانه بو حسین
اما حسینه زینب بیچاره ناز ایدر
.
خیمه یانور یانار اودا زینب اوزین وورور
پروانه تک خانم ، یانار اودلاره ناز ایدر
.
یانسون دلیم دیسم که حسینون بالالاری
باشسیز قالوبدی فرقۀ اشراره ناز ایدر
.
چون قیز یتیم اولاندا بیوک قارداشین تانور
آغلار سکینه عابد بیماره ناز ایدر
.
اخیاردن اگر چه دگل سعدی زمان
اما «حسینی» دور هامی اخیاره ناز ایدر
.
زهرادن ایستوری صله دارینون عزتین
اولسا قبول یازدیقی اشعاره ناز ایدر
.
بولمم حسین اوغلی«حسینی» دن اینجیوب
مولا و یا که عبدِ گنهکاره ناز ایدر
.
.
#حسینیه_سعدی_زمان
#حسینیه_میلادیه
#بولمم_نسیم_طرۀ_طراره_ناز_ایدر
#لمعات_حسینی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  زینبه دلده غملری وئردی تکان مدینه ده

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی