در مصیبت حضرت امیرالمؤمنین علی (ع)
.
#زبدةالاشعار
.
: @nohe_torki
.
مرحوم صافی تبریزی
.
ای گوزوم جود ایله اشکون
یان گوگل بو ماجرادن
رحلت ایلوب جانشینِ
مصطفا دار فنادن
.
.
چون ولیّ الله اعظم
گوردی بو آفاقی مُظلم
تاپدی بیر نورانی عالم
گتدی دار ایستادن
.
.
آختاروب وصل حبیبی
بولدی ئولماقدور نصیبی
کسدی اول حاذق طبیبی
احتیاجین هر دوادن
.
.
بیله بیر گون اولدی یاران
کوفه ده محشر نمایان
عرشه چخدی آه و افغان
عترت خیرالورادن
.
.
شیعه لر یکسر آچون باش
دمبدم گوزدن توکر یاش
من ئولیدیم سویلر ای کاش
هر یتن اهل وفادن
.
دوتدولار همچون گل یاس
قیزلاری اوغلانلاری یاس
بیر طرفده آغلور عباس
مشق آلوبدور مجتبادن
.
.
تک حسینون شور و شینی
دولدوروبدور عالمینی
گوردی تا زینب حسینی
یاندی آرتوق مرتضادن
.
.
گورمیوب گورمز زماندا
بیر باجی قارداش جهاندا
بو وفاده بو نشاندا
تکدیلر قالوا بلادن
.
.
بیر بیرینه چون ویروب دل
بی خبر اولسونلا مشکل
مین ایله اولدی مقابل
بیر گجه هجران قضادن
.
.
اوندا کیم دشت بلاده
یعنی میدان وفاده
بو حسینون کربلاده
کسدیله باشین قفادن
.
.
قالمادی جسمینده جامه
نه عبا و نه عمامه
قسمت اولدی اهل شامه
خامس آل عبادن
.
.
ووردیلار باشین جدایه
باشلادی تکبیر و آیه
یعنی زینب گل نوایه
من سسون آلّام جدادن
.
.
خولی بیدین و کافر
زینبی قویدی مکدّر
سرور دینون باشیله
چخدی اوّل کربلادن
.
.
کوفه ده بیرحم قاتل
اوز ایوینده ویردی منزل
حشره دین گتمز بو نسگل
قلب پاک مصطفادن
.
.
وار او باشون گور نه شوری
طور ایدوب کنج تنوری
مطبخی دولدوردی نوری
بلکه گچدی نُه سمادن
.
.
کشف اولوب صبح همان شب
کوفه بازارینده مطلب
قارداشون تا گوردی زینب
آگه اولدی ماجرادن
.
.
ایله ووردی محمله باش
اولدی خون آلود گوز قاش
سسلدی بیر نوعی قارداش
یاندی زهرا بو صدادن
.
.
«صافیا» ایلر کفایت
هر مصیبتدن اشارت
یتمیوب هرگز بو محنت
انتهایه ابتدادن
.
.
#حیدریه_صافی_تبریزی
#حیدریه_شهادت
#ای_گوزوم_جود_ایله_اشکون_یان_گوگل_بو_ماجرادن
#ترکی
.
#زبدةالاشعار
.
: @nohe_torki
نظر دهید