زبدةالاشعار

بابام احمد مختار آتام حیدر کرار #حسینیه_یحیوی_اردبیلی

ورد مقابله
اتمام حجت امام حسین علیه السلام
.
.
.
مرحوم یحیوی اردبیلی
.
.
بابام احمد مختار
آتام حیدر کرار
آنام مطلع انوار
منم باعث ایجاد
منم مخزن اسرار
.
.
.
منم کشتی ایمان منم منجی اسلام
منم حافظ قرآن منم محیی احکام
منم خلقته برهان منم حاصل فرجام
منم کعبه ی رحمان منم زینت احرام
منم کشته ی الآن منم زنده ی ایام
امام الثقلینم
عباد اللهه عینم
على اوغلی حسینم
ایکی عالمون اوسته
همای شرفینم
.
.
.
من آئینه ی حقم تجلای صفاتم
منم مطلع فیاض مقام لمعاتم
یتر فیض الهی منه قرب ثباتم
منیم عالمه فیضیم یتر روح الحیاتم
ذبیح الله اعظم شفیع عرصاتم
شهادتده نظر وار
مصیبتده ثمر وار
بیر اسرار دگر وار
قیامتده بیلورسوز
بو قاندا نه اثر وار
.
.
.
نماز اوسته دییرسوز او ذکری که خدایه
منم روحی او ذکرون منم شرط او دعایه
منم معنى ثقلین باخون اهل کسایه
دعا که اولا ناقص گئدر باد فنایه
یتیشمز او دعالر نشانگاه نهایه
منم شرط عبادت
منم روح اطاعت
منم باب اجابت
خداوند کبیره
حسیین سیز نه ارادت
.
.
.
فمن یعمل خیراً و من یعمل شرّاً
تمام آیه ی قرآن ایکی جمله ده پیدا
نماینده ی سبحان منم آیۀ کبرى
یزید اهل شرارت منم خیّر و حُسنا
قیلون شرعدن أعراض گلون خیره طرف تا
ائدون دین ده خدمت
رسول اللهه حرمت
تاپون خیردن اجرت
رحیم ازلی دن
یتیشسون سیزه رحمت
.
.
.
حسین لشگر شرّه نقدر ائتدی نصیحت
جوابینده یزیده اولار ایستدی بیعت
تیکانلوقدا گوگرمز یقین تخم حقیقت
قرا داشه نسیم سحردن نه لطافت
او قومون روشیندن غضبلندی او حضرت
وئروب تیغه نجاتی
داغیتدی نفراتی
قاتوب قانه فراتی
که ضرب المثل اولدی
حسینون جملاتی
.
.
.
یازیلمیش بو عبارت مقاتلده خبر ده
ایکی قرمزی خطی حسین دوتدی نظرده
یئره اندی آتیندان وئروب سکته نبرده
نه گوردی توکولوب قان چکوب تپراقا پرده
ابوالفضل رشیدون قلم قوللارى یرده
دئدی یاوریم عباس
هنرپروریم عباس
سنان شهپریم عباس
منیمده کسه جک لر
گئجه اللریم عباس
.
.
.
او ساعت که اوجالمیش گوگه گردی زمینون
نفس آلماقا یوخدور مجالی شه دینون
آلوب طاقتین الدن او بی یار و معینون
گلوب سمت سمادن سسی روح الامینون
نزول ائتدی صحیفه دونوب رأیی حسینون
باخوب حکم خدایه
گلوب حمد و ثنایه
انوب خاک منایه
فرحلندی وجودی
اوزین وئردی بقایه
.
.
.
دوشوب سجدۀ شکره او ریحانة الایمان
وضوسی او جنابون بوغازیندن آخان قان
ایا صاحب الإحسان و یا غافر العصیان
بو حالیمه خلاص ائت عزاداریمى اوتدان
یتوب مژده حسینه ملول اولما حسین جان
دگیل قانیوه قیمت
کلید در جنت
اوزون مظهر رحمت
قلم حیرته دوشدی
چتین یرده دی صحبت
.
.
.
خانم فاطمه زلفین آچوب دوتدی الینده
حسینون او مبارک وَریدی کسیلنده
دَروب معجره زلفه او قانی توکولنده
قیامتده بشردن حسابلار چکیلنده
همان معجر الینده گلور حشره گلنده
او پرورده ی یاسین
آچار محنت اساسین
ابوالفضل لواسین
عزدار حسینون
وئرور خیر جزاسین
.
.
#حسینیه_مدح #حسینیه_شجاعت #حسینیه_شهادت
#بابام_احمد_مختار_آتام_حیدر_کرار #یحیوی_اردبیلی
#اسرار_عاشورا_یحیوی #حسینیه
#ترکی
#زبدةالاشعار

متن پیشنهادی:  منبع بحر كرم جود و عطا دارد حسین #حسینیه_غمکش

نظر

  • این چیه بابا چه ادا بازیه.مثل هرسال تو تلگرام شعرارو بی دردسر برمیداشتیم.
    سایت یه قران بدرد نمیخوره
    لینک نذاشتی که
    حالا مثلا تو تلگرام بذاری چی میشه.
    تو هم سرت گیج رفت دیگه بدرد نمیخوری

  • از اینکه کاستیها و قصورات ما را ، بحرمت اهل بیت علیهم السلام ، صبورانه تحمل میفرمایید … از محبت تان سپاسگزاریم.

    به دور #اخلاص شما بزرگواران باید که #طواف کرد.

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی