بابا بو ساربان قویسا رقیّون سندن آیریلماز #کوچ_کربلا_احمدیان_خسروشاهی

کوچ از کربلا
.
✍️ #زبدةالاشعار ✍️
.
🆔: @nohe_torki
.
احمدیان خسروشاهی
.
بابا بو ساربان قویسا رقیّون سندن آیریلماز
نسیم ظلم امان وئرسه گلون گلشندن آیریلماز
.
.
امان بو ساربان وئرسه یانوندان گتمرم قالّام
توکوب گوز یاشیمی گوزدن دویونجا عطروى آلّام
یارالی نعشوه سایه پریشان زلفیله سالّام
چمنده رسمدور بلبل گل و سوسندن آیریلماز
.
.
یتیملر باشینه سن ال چکردون ای شه دوران
ائدردون چوخ محبّت دیده سی گریان اولا خندان
یتیمم باشیمه ال چک کسیلمیش اللره قربان
کرامتلی نوازش ایلین ال تندن آیریلماز
.
.
بابا نازیله شهزاده یاتار شه سینه سی اوسته
ئوزوم شهزاده ام اما غمونده اولموشام خسته
آلوب اطرافیمی بو رحم سیزلر دسته به دسته
جفا و ظلم بو رحم ائتمین دشمندن آیریلماز
.
.
سویوبلار رختوی یرده یارالی نعشون عریاندور
بو گل جسمون باتوب قانه بابا قانیله الواندور
چکردون نازیمی بو شمر دون ایمدی نگهباندور
یتینجه شامه بولّم بو جفاجو مندن آیریلماز
.
.
منه دشمن ویرار قمچی اوجالسا داد افغانیم
یاتاندا خیمه لر قاچدیم چوله چوخ خسته دور جانیم
سنه من آغلیوم قویمور حیاسیز دور نگهبانیم
دئمور یاسلی عزالی ناله و شیوندن آیریلماز
.
.
همیشه «احمدیان» ایله صدقیله فغان آغلا
یازالّار آدیوی بو آستاندا نوحه خوان آغلا
بو نیسگللی سؤزی دلده ائله ورد زبان آغلا
بابا بو ساربان قویسا رقیّون سندن آیریلماز
.
.
.
#کوچ_کربلا_احمدیان_خسروشاهی
#بابا_بو_ساربان_قویسا_رقیون_سندن_آیریلماز
#ترکی
.
✍️ #زبدةالاشعار ✍️
.
🆔: @nohe_torki
.