وداع از قتلگاه و ورود به کوفه
زبانحال حضرت زینب کبرا سلام الله علیها
.
✍️ #زبدةالاشعار ✍️
.
🆔: @nohe_torki
.
مرحوم غمناک تبریزی
.
آل عباده گور بونه صبرو نه تاب دور
تاب ایتدیلراوظلمه که چوخ بی حساب دور
.
گلدوقجا دهردن اولارا ظلم بی حساب
ایلردیلر قبول که عین صواب دور
.
گردون دولاندی شمر لعینون مرادینه
اولدوردی اول حسینی که گردون جناب دور
.
اود ویردی خیمه گاهه که من عرشی یخموشام
یانسون گرک که بو خیمه لرعرش احتجاب دور
.
خیمه یانوب سولوبدی حرملر اولوب اسیر
باغلاندی قول قولا نجه رنج عذاب دور
.
یوکلندی بارقافله یوللاندی کاروان
دوشدی قطارلر یولا گویا سحاب دور
.
زینب اودمده شمرلعینه ایدوب خطاب
ظالم بو تنگ وقتیده نه اضطراب دور
.
باری چکون قطاریمیزی قتلگاهیدن
غم آتشی بو سینه ده پر التهاب دور
.
گلدی یتشدی قتلگهه تاپدی قارداشین
گوردی یاتوبدور جسمنه قان رختحواب دور
.
دل اولمیوبدوردیندیره منده نه دلدی بو
بیردل دیوم بودللراونا چون خطاب دور
.
حسرتله سسلیوبدور انتَ حُسینَنا
گورّم من آشکاره سنی یا که خواب دور
.
گورمز گوزوم گوز گوز اولان جسموی گوروم
امّا گلور گوزیمه یازیلموش کباب دور
.
یانموش کباب دور قیزاروب گونده اود کیمی
یا مجمر ایچره عودیدی ویا مشکناب دور
.
بونعشیدور بو نوعی اولوب بندبندیدن
یا که ورق ورق داغلوب بیر کتاب دور
.
قربان یارالاریوه که بنزر قیزل گُلَه
قان تردی بوآخار یره یوخسا گلاب دور
.
اوخشاردی قارداشین باجی امّا یواش یواش
سس گلدی سخت دوردی گوروب چون عتاب دور
.
آل رسولی سسلدی بیربیر دورون گلون
گلدی قوشون بهانیه ظلم عقاب دور
.
رم ایتدی قورخودان حرم آهولری تمام
صیّادی گوردولر گلور الده طناب دور
.
باش سیزلاری اودم باشینه یغدی یوللانوب
اولدی روانه کوفیه وقت شتاب دور
.
وارد اولاندا کوفیه گلدی خیالینه
اولسون خراب بو یراوشهرخراب دور
.
من ایتموشم خانم لیق ازل گون بو کوفه ده
ایندی آدیم کنیزلیقه انتخاب دور
.
آیا روادی عترت اطهار مصطفی
یکسر اسیر روم فرنگ انتساب دور
.
گوردی دوتوبدی جمله تماشاچیلار یولی
مشغول عیش وعشرت وچنگ و رباب دور
.
ایتدی خطاب ساکت اولون ایلیون حیا
باخمون کنار اولون یوزومو زبی نقاب دور
.
گورمز گوزوز اگر چه بو یوزلر آچیق اولا
نورخدا بو یوزلره آخر حجاب دور
.
آخر بیزوخ معادن اسرار کبریا
درک ایلمز گوزوز بیزی عین دواب دور
.
گوسترمز او یوزون گوزه گوسترسه محوایدی
نورخدا یانیندا بو ظلمت غیاب دور
.
چکمیش نقاب شاهد غیبی بو یوزلره
باخمون که باش آچیق دولانان آفتاب دور
.
دوتموش همیشه پردۀ رحمت بو یوزلری
قالماز آچیق بو باشلارا عصمت قباب دور
.
حافظدی اهل بیته عین خدا مدام
حاضردی ایندیده مُجیب و مجاب دور
.
قانلی گوزی جداده گوزتلر عیالینی
بیر راست کج گوزه اوزی تیر شهاب دور
.
هرچند اوزی جداده دی بوش قویموب یرین
بیر اوغلی بیرده اونا نایب مناب دور
.
قادردی باخمیون اونا بیماردور ضعیف
عالم بونون ثباتی ایلن کامیاب دور
.
اما سویولموشوخ گلروخ ایندی ظاهرا
احوالیمیز بو نوعیله پُر انقلاب دور
.
یولدان گلوب یورولموشخ آزار آز ایدون
ای اهل کوفه سیزه نه شرم و حجاب دور
.
الله دان اوتری رحم ایلیون اَل چکون گیدون
رحم ایلماخ غریب لره چوخ ثواب دور
.
قصد تصدّیقیله ویرمیون بیزه طعام
آل رسول ایچون صدقه اجتناب دور
.
(غمناکوام) بو جانیم الیمده هدیه دور
ایتسن قبول بیز لره شرط نصاب دور
.
.
.
#کوچ_کربلا #غمناک_تبریزی
#کوفه
#آل_عباده_گور_بو_نه_صبر_و_نه_تاب_دور
#ترکی
.
✍️ #زبدةالاشعار ✍️
.
🆔: @nohe_torki
نظر دهید