شهادت حضرت زهرا سلام الله علیها
.
زبدة الاشعار
.
: @nohe_torki
.
مرحوم #ذهنی_تبریزی
.
بابا گلمز نجه فریاده زینب
آناسیز قالدی تئز دنیاده زینب
((ئورک میناسی قاندی
یوزه اشکیم رواندی
نه من کی مجتبانین
ایشی آه و فغاندی))
.
.
بولورسن چوخدی دردیم دل فکارم
گئدوب الدن توانیم بی قرارم
فلک بیر درده سالدی یوخدی چارم
گرک گلسون ئولونجه داده زینب
.
.
شکیبا غملی دلده کَالعَدَم دور
او دور فریاد و نالم دم به دم دور
آناسیز لیق غمی بیر عُمده غم دور
یانار بو محنت عظماده زینب
.
.
بو اؤد که قلبیمه ووردی شراره
یقینیم دور خَموش اولماز دوباره
آخار تا من وارام اشکیم عُذاره
یانار بو نار سوز افزاده زینب
.
.
اَلولاندوقجا قلب داغداریم
دولار اشکیله چشم اشکباریم
نقدری وار جهان وار آه و زاریم
مگر آرام اولا عقباده زینب
.
.
باخار حسرت گوزوم هر یانه هردم
آنام زهرا یری خالی دی گورَّم
اولار آغلار گوزومده گوز یاشی دَم
او دور شورَه اولور آماده زینب
.
.
نئجه من شیونیله چکمرم سس
آنام تک مهربانیم یوخدی بیر کس
چکر کیم نازیمی بوندان صورا بس
کیمه دلشاد اولور دنیاده زینب
.
.
آنام تا واریدی دارِ فناده
وجودیندن ائدردیم استفاده
چکردی نازیمی صبح و مساده
گزردی خرّم و آزاده زینب
.
.
کج ائتدی دُؤرینی دؤر زمانه
منی قویدی آناسیز یانه یانه
فلک چوخ ظلم ائدوب بو ناتوانه
نجه دوزسون بئله بیداده زینب
.
.
منی بو خوردا وقتیمده زمانه
آناسیز قویدی باغریم دؤندی قانه
نه نوعی گلمه سون آه و فغانه
بو درد جان و دل فرساده زینب
.
.
اوجالماز عرشه آیا آه و واسی
اولا بیر قیز که محنت آشناسی
گئدوب الدن ئوز عزّتلی آناسی
کیمیله فخر ائدر بس یاده زینب
.
.
آناسیز قیز قالور درد و محنده
نظرده خوار اولور هر انجمنده
گرفتار اولموشام بو درده منده
گورر یا عالم ِ رویاده زینب
.
.
دوشر بیر نسگلی هر دم خیاله
اولور گوگلومده باعث مین ملاله
دگل قبری معین لامحاله
گئدوب تا آغلاسون صحراده زینب
.
.
بو محنتدن گلیر سن داده « ذهنی »
که زینب گلدی چوخ فریاده « ذهنی »
نه چکدی دهرده سال یاده « ذهنی »
گوروب گِئتمیش جلالی باده زینب
.
.
#سبک_بیا_یابن_الحسن_آرام_جانم .. 3 سبک
پخش‌کننده صوت
#فاطمیه_شهادت
#بابا_گلمز_نجه_فریاده_زینب
#ترکی
.
#زبدةالاشعار .
: @nohe_torki
نظر دهید