حضرت زهرا سلام الله علیها
.
✍️ زبدة الاشعار ✍️
.
🆔: @nohe_torki
.
مرتضی اسکندری ( #ساعد_زنجانی )
.
حبیبِ حضرتِ پروردگاریدور زهرا
پیمبر امّتینه افتخاریدور زهرا
.
صداقتیله مرور ایله برگ تاربخی
دلیل خلقت لیل و نهاریدور زهرا
.
او پرچمی که اسور کربلای اعلاده
او پرچمون سبب اقتداریدور زهرا
.
آدین بدون وضو سعی ایله گتورمه دیله
نمازیوین سند اعتباریدور زهرا
.
ائشیدجگین آدینی فخرایدوب اوجالام من
همیشه صاحب عز و وقاریدور زهرا
.
بهشته فاطمه سیز گیتمرم دایانام من
منیم بهشتیمون آخر عیاریدور زهرا
.
باتاندا سینه سینه میخ در دایاندی دیدی
علی بالالارینون جان نثاریدور زهرا
.
بالام که ئولدی اگر ئوز جانیمدا چیخسا منیم
گینه علی ایوینون پاسداریدور زهرا
.
اقلی قویمادیلارغسلی خشک اولا بابامون
مگر که گورمه دیلر سوگواریدور زهرا
.
قاپوما ووردولار اوت اولمادی دین بولارا
رسول اکرمیزون یادگاریدور زهرا
.
اوجالدی همهمه گل داده یا امیر نجف
قاپی دالیندا اجل انتظاریدور زهرا
.
قونوبدی آینۀ عصمتون یوزینه غبار
اسیر دامن گرد و غباریدور زهرا
.
چیخوبدی فوری چوله جان پناه عالمیان
نه گوردی صحنیده چوخ بیقراریدور زهرا
.
سیخوب او گل بدنی صحنیده در و دیوار
سینوب قابورقالاری دلفکاریدور زهرا
.
گلوب دیله دیدی خجلت منی کباب ایلر
یارالارون گورورم قانی جاریدور زهرا
.
بیله که سن یخیلوبسان ،شفیعۀ محشر
ملائکین جهان اشکباریدور زهرا
.
پیمبر امتی حاشا اوت وورا بو درگاهه
سنه جسارت ایدن اهل ناریدور زهرا
.
قیامته کیمی مسماریدن بوقان گیتمز
علامت ستم قوم عاریدور زهرا
.
عم اوغلوون الینی باغلیوبدی غربت دین
وگرنه ایندیده شیر شکاریدور زهرا
.
کیمون نه جرأتی وار باغلیا علی الینی
سکوتیم امر حق کردگاریدور زهرا
.
وصیت نبوی اولماسیدی مانع اگر
اوچان الیمده همان ذوالقاریدور زهرا
.
بوسوزلریله دوز اول دوز دولانگیلان صاعد
دوز عاشقین ایوینون همجواریدور زهرا
.
.
#فاطمیه_مدح
#فاطمیه_شهادت
#حبیب_حضرت_پروردگاریدور_زهرا
#ساعد_زنجانی
#ترکی
.
.
✍️ #زبدةالاشعار ✍️
.
🆔: @nohe_torki
نظر دهید