وداع حضرت امام حسین (ع)
..
..
..
..
..
مرحوم واقف سرابی
..
..
..
..
..
باجی عزم ایلدوم من کارزاره فی امان الله
سیزی تاپشورموشام پروردگاره فی امان الله
..
..
..
..
..
باشوندان معجرون گیتسه قولون باغلانسا صبرایله
دوتوب اود خیملر خوردا اوشاقلار یانسا صبرایله
خلیل الله تک بیماریمیز اودلانسا صبرایله
چیخاردارسان یانان اوددان کناره فی امان الله
..
..
..
..
..
عیالیمدن کنار اولما بوقوم اینجیتمسون باجی
اوجادان آغلاما دشمن شماتت ایتمسون باجی
گریبان چاک قیلما حلم و صبرون گیتمسون باجی
گیرنده کوفه ده هر رهگذاره فی امان الله
..
..
..
..
..
باجی امت یولوندا قوم قارداشیمدن ال چکدوم
جلال ملکدن گیچدوم بنی هاشمدن ال چکدوم
یزیدون مجلسنده بول کسوک باشیمدن ال چکدوم
لبیمدن خیزران ایلر اشاره فی امان الله
..
..
..
..
..
ایدر بو جسمیمون قانی بو دشت و کوهی میناتک
باشیم ایلر جدا اوسته تجلّا طور سینا تک
یهودیلر ووراللار باشیمی دار اُوسته عیسی تک
اولاندا زینت دارالاماره فی امان الله
..
..
..
..
..
باشیم چوخ دور ایدوبدور نیزه ده ، میل تنور ایلر
تنور خولیه شعله سالوب مشکوة نور ایلر
گونون وار قدرتی بیر جزبه ده سنگی بلور ایلر
هوالقادر و یکفیک الاِشاره فی امان الله
..
..
..
..
..
گرک شامه گیدن وقته باشیمدا ازدحام اولسون
گورنده مشتری بیماریمه بازار شام اولسون
مطاعیم شامیده قرخ بیر کنیز و بیر غلام اولسون
شفاعت ایتماقا یوم شماره فی امان الله
..
..
..
..
..
دوتار مسکن سالور بیر پرده دوت مین اوخ بو سینمده
قالاندا توپراق اُوسته آت چاپاللار چوخ بو سینمده
گورر شمر لعین اگلشمگه یر یوخ بو سینمده
یوزی اوسته سالوب ایلر اشاره فی امان الله
..
..
..
..
..
گل ای عمرینده خوش گون گورمیوب چوخ غم چکن زینب
وصیت ایلرم ساخلا فراموش ایتمه سن زینب
گلورسن باشیم اُوسته جان ویرن ساعتده من زینب
سکوت ایت گلمه آرتوخ آه و زاره فی امان الله
..
..
..
..
..
ایدر بلبل گل اوسته هر صباح و هر سحر ناله
بو وقفه خاک پایوندا اگر قیلسا اثر ناله
چخوب (واقف) منابرده ووروب باشه چکر ناله
نظر قیلسان بوچشم اشکباره فی امان الله
..
..
..
..
..
باجی عزم ایلدوم من کار زاره فی امان الله #وداع_واقف_سرابی
نظر دهید