در مصیبت شهزاده علی اکبر (ع)
.
✍️ #زبدةالاشعار ✍️
.
🆔: @nohe_torki
.
علومی تبریزی
.
گر اولسا بیری اکبره دنیاده عزادار
پیغمبر اونا روز قیامت اولی غمخوار
.
.
اکبردی بو اکبر گل گلزار حسیندی
روح دل لیلادی فداکار حسیندی
.
.
صولتده بو اکبر باباسی حیدره بنذر
ص ورتده ده اوز جدینه پیغمبره بنذر
کیمدور بو جلالتده علی اکبره بنذر
واضحدی کمالاتی گل باغ ادبدی
فرزند برازنده سلطان عربدی
.
.
بلمم بو جواندان نجه ال چکدی او مولا
میدانه روان ایلدی شهزاده نی تنها
اکبر یوزینی گوردی دگوب بیر بیره اعدا
پیمبر حساب ایتدیلر او ماه صفاتی
میدانی دوتوب لشگر شامین صلواتی
.
.
اما او قدر گچمدی اول فرقه بدنام
بیلدی که شباهتده پیمبردی او ناکام
قتلین هامو قصد ایلدی یا صاحب اسلام
شاه شهدانین گلونی ایتدیلر خندان
ظلمیله یخوبلار یره شهزاده نی عطشان
.
.
آتدان یخلاندایره میدانیده اکبر
یوز خیمه لره دوتدی دیدی ای شه محشر
تاپ اکبریوی یخدی یره فرقه کافر
امدادیمه گل اولما بیله خیمه ده بیتاب
جدّیم بودی جام الده منی ایلدی سیراب
.
.
اکبر سسینی خیمه ده آلدى شه بطها
سرعتله باشی اوسته گلوب گوردی خدایا
باش پارچالانوب قطعه به قطعه اولوب اعضا
باشدان یارالی توپراقا اکبر یخلوبدی
محراب ده گویا گینه حیدر یخلوبدی
.
.
بو حالی گوروب تیز اوزون آتدان یره سالدى
فوراً دیزی اوسته یارالی باشینی آلدى
باسدی اورگی باشینه فریادی اوجالدى
گوردی ویرولوب ظلمیله خنجر کورَگیندن
قان هر نفس آلدوقجه رواندی اورگیندن
.
.
پروانه کیمی آتش هجرانیله یاندی
قویدی یوزین اکبر یوزینه قانه بویاندی
باشدان نجه اکبر اودا دلدن یارالاندى
قالب ایکی جان بیر بالاجان ایلدی تسلیم
ایستردی حسینده ویره جان درک ایلیوب کیم
.
.
درک ایله مسیدی باجی قارداشی او ساعت
میداندان حسین خیمیه گتمزدی سلامت
گتدی نجه گتدی نجه گور اولدی قیامت
اهل حرمه مایۀ افغانی گتوردی
یعنی بیر عبا دوغرانان اعضانی گتوردی
.
.
زهرایه قسم وئرّم ایا سرور عطشان
لطف ایله علومی تاپا بیر وقت فراوان
خدمت ایده عمری نقدر وار سیزه هر آن
احسان ایله بونوکره بیر نطق بیان ویر
آغلار گوزیله سوز یازا بیر طبع روان ویر
.
.
#اکبریه_علومی_تبریزی
#اکبریه_شهادت
#گر_اولسا_بیری_اکبره_دنیاده_عزادار
#ترکی
.
✍️ #زبدةالاشعار ✍️
.
🆔: @nohe_torki
نظر دهید