زبانحال امام (ع) در شهادت حضرت علی اصغر (ع)
..
..
#سبک_یا_امام_زمان_شیعه_ده_احساسه_باخ
..
..
مجید قلعه بیگی ( فقیر خویی )
..
..
باجی گل اصغره زهریلی اوخ وئردی سو
اوخا گولدی بالام تاپدی جنان آبرو
اوخلانوب اصغریم
بالا همسنگریم
جان زهرا(۲)
..
..
..
حرمله اوخلادی پوزدی دل عالمی
یری وار قوزویام عرشه بوگون نالمی
منی بوکدی باجی تشنه لب اصغر غمی
..
اولموشام دلکباب
نیله سین پس رباب
جانِ زهرا(۲)
..
..
..
اوچ گجه آج یاتوب خیمده بو غنچه وش
دگمه میش حلقینه اوخ هله ائتموشدی غش
محضر عشقه وئردیم بو گولی پیشکش
..
گل گلزاریمی
صودامر یاریمی
جانِ زهرا
..
..
..
سالارام سینمه تشنه گل یاسیمی
سسلرم داده گه اکبری گه قاسیمی
باش الده گزن باشرف عباسیمی
..
چاتا فریادیمه
گله امدادیمه
جانِ زهرا
..
..
..
ظلم قوم شقی باخ نجه حدّن گیچوب
صودامر اصغریم سو یرینه قان ایچوب
باجی خنجر کیمی حلقینی پیکان بیچوب
..
زهریلی تیردی
ایتی شمشیریدی
جانِ زهرا
..
..
..
خیمده گیزلتون بو گجه گهواره سین
گل ربابین آپار سوگیلی مه پاره سین
آغلیون باغلیون حلقینین اوخ یاره سین
..
منده یوخدی توان
اولموشام باغریقان
جانِ زهرا
..
..
..
باد هجرانیله سولدی حسینون باغی
من گرک دفن ایدم فوری باجی اوشاقی
یوخسا جسمین پوزار ظلمیله آت دیرناغی
..
باش آچون آغلیون
قلبیزی داغلیون
جانِ زهرا
..
..
#اصغریه #فقیر_خویی #اصغریه_شهادت #ترکی #زبدةالاشعار
باجی گل اصغره زهریلی اوخ وئردی سو #اصغریه_فقیر_خویی
نظر دهید