نوبرباغ امامتدور جناب مجتبی #حسنیه_منتظری

مدح امام حسن مجتبی (ع)
.
✍️ #زبدةالاشعار ✍️
.
🆔: @nohe_torki
.
منتظری شریف آباد
.
نوبرباغ امامتدور جناب مجتبی
شه کلیدباب رحمتدورجناب مجتبی
.
هم سیاست هم کیاست هم نبوغ فکرِده
اَمثَلِ اهل فراستدور جناب مجتبی
.
تک نه شیعه بلکه اسلام اهلنه تامحشره
پیشوای پرلیاقتدور جناب مجتبی
.
گوهر نایابِدور درک ائتمز هر کسارزشین
انتهای ارج وقیمتدور جناب مجتبی
.
حلمِده دریادی صبرو استقامت داغ کئمی
مقتدای اهل حکمتدورجناب مجتبی
.
باخماقی گفتاروکردارونبردی حیدری
اعتلای آدمیّتدور جناب مجتبی
.
کربلاشاهی منوّرمشعل راه هُدی
کُفِّ مصباح هدایتدور جناب مجتبی
.
حاتمون جودی گیدوب تحت شُعاع بذلنه
آخرجودو سخاوتدورجناب مجتبی
.
درک ائده کیمسه اونون جنگ جملده نقشنی
درک ائدردریای جرئتدور جناب مجتبی
.
صف پوزان کرّارجنگه مالک اشترلره
اسوه دور برجسته نصرتدور جناب مجتبی
.
کربلاعباسی تک بالمرّه یاردی صفلری
فوق و مافوقِ شجاعتدور جناب مجتبی
.
اسدی نادان لشگره صف سِندران طوفان کئمی
یاز قلم کلّ صلابتدور جناب مجتبی
.
روبرو هرصف گلوب عرشه چئخوب این المفر
تیغی پیغام قیامتدور جناب مجتبی
.
ناقه ی شوم نفاقی پیلدی بیرضربه ده
قدرت یزدانه آیتدور جناب مجتبی
.
هرعبادتدن گوزلدی حیدرون بیر ضربتی
ضربتی افضل عبادتدورجناب مجتبی
.
جهل واقدام بدانجام عوام النّاسِدن
دلشکسته غرق محنتدورجناب مجتبی
.
اوّلین مظلوم علی تک قدرین امّت بیلمدی
چون حسین مقتول امّتدور جناب مجتبی
.
آی گونش بوسه ورار بی شمع و مشعل قبرِنه
منبع نور سعادتدورجناب مجتبی
.
منتظِر آل رسولون دامنیندن چکمه ال
شهرتاً مرد کرامتدور جناب مجتبی
.
.
#حسنیه_مدح
#نوبر_باغ_امامتدور_جناب_مجتبی
#ترکی
.
✍️ #زبدةالاشعار ✍️
.
🆔: @nohe_torki