راه شام
زبانحال حضرت رقیه (س)
.
.
آسال اردبیلی
.
.
باشه اکبرین قراسین سالمیشام بو چولده یارب
کاروان گیدوبدی یالقوز قالمیشام بو چولده یارب
.
.
دادیمه یتیش خدایا ای آدامسیزون پناهی
شاهزادییم داغیلدی شاهیمون ولی سپاهی
من یتیم بینوایم چاره قیل منه الهی
بو قدر بلایه اولماز من کیمون قیزون دوامی
یوخدی بیر نفر بو چولده گورسده صراط شامی
.
.
نچه گونده من آییردیم یار و دشمنی بوچولده
داده ای حق یگانه سسلورم سنی بو چولده
زجر اگر دالیمجا گلسه ئولدورر منی بو چولده
باشیمی آغارتدی یارب طفل وقتی غم فشاری
کاش بیلوب یولی گیدیدیم بیرده کربلایه ساری
.
.
ناقه اوسته زینب عمم نازیمی جانا آلاردی
بستریمیدی قوجاقی لایلایی منه چالاردی
هرگجه کی من یاتاردیم صبحه جک اویاق قالاردی
عممه دیینده هر سوز سوز باشیندا جان دیوبدی
جانیمی قوتار الیمدن دای بی بیمده اینجیوبدی
.
.
من حسینه روح و جانم افتخار بو ترابم
نجم عرش احتجابم جان نثار آفتابم
اکبرون گوزل نگاری نور دیده ی ربابم
نازیمی چکردی اکبر عزتیمه فخر ایدردیم
غم ندی مگر بیلردیم شوکتیمه فخر ایدردیم
.
.
من همان قیزام ملک لر گاهواره می ئوپردی
باخماقا بو دلفکاره عرشیدن یره گلردی
بس نیه بو حاله قالدیم کیم بو محنته دوزردی
باشیمه توکوب فلک کول ایللریم گیدوب الیمدن
بیر اوخیلا آلتی آیلیق اصغریم گیدوب الیمدن
.
.
وار ایاقیمون یاراسی قاچماقا یوخومدی طاقت
باری آیدا یوخدی گویده باغریمی یاروبدی ظلمت
راضیم ئولم بو چولده مرگیدن یوخومدی وحشت
اوچی قضا الینده پر شکسته بیر شکارم
آرزومدی وصل دلبر یوخ الیمده آیری چارم
.
.
گر چیخا بو چولده جانیم وار ئورکده درد مبهم
جسیمی اراده تاپسا راکبان قوم مظلم
جان ویرر ال اوسته گورسه نعشیمی وفالی عمم
کربلای پر بلادن مونسم اول غمگساره
راضی اولما یاره دگسون قلب زارینه دوباره
.
.
عترت رسولی ویرماز خالقه کیم اولسا بنده
جانیمه دوشور تزلزل تازیانه نی گورنده
اول قدر دگوبدی قمچی یوخدی صاف یریم بدنده
وار آنام کیمین یوزومده ضرب سیلی دن نشانه
چرخه باخ کی اوچ یاشیمدا قامتیم دونوب کمانه
.
.
توخدیا اولونجه ایکاش یاره لر بو پیکریمده
دیدیمه گلر گر ئولسم خاندان اطهریمده
گورسه تازیانه ردین طاقت اولماز اکبریمده
دائم اکبرین خدایا سینه سیدی خوابگاهیم
ایندی بو وسیع جهاندا یوخدی بیر پناهگاهیم
.
.
سن کی هر غمه دواسن چاره قیل من حزینه
بی بهانه حکمران سان هم یساره هم یمینه
نچه گوندی بارالها گوگلومه دوشوب مدینه
خاطر رسول دینه ویر صدا بو دل ملوله
قوی گیدوم بقیعه باری دردیمی دیوم بتوله
.
.
اذن ویر خدای عالم تا بو قیز چاتا مرامه
کربلای غم فزادن حاملم بویوک پیامه
من گرک ویرام لوای اقتداری قلب شامه
من سفیر کربلایم زینب عمه مون وزیری
خوار ایدک گرک جهاندا پادشاه بد ضمیری
.
.
#راه_شام #آسال_اردبیلی #ترکی #زبدةالاشعار
نظر دهید