دیر راهب
سوال و جواب
.
زبدة الاشعار
.
?: @nohe_torki
.
.
زبانحال حضرت زهرا سلام الله علیها
.
.
دکتر محمد حسین کتابچی (علومی تبریزی)
.
.
باشیمی گور نه سالوب شورش و غوغایه باشون
گه تنوره آپارور گاه کلیسایه باشون
.
.
بیلورم ظلمیله قان ایلدیلر گوز یاشیوی
تشنه لب اوغلووی ئولدوردوله هم قارداشیوی
قتلگهده واریدیم شمر کسنده باشیوی
قویمادی زینت اولا سینۀ زهرایه باشون
.
.
گلماقین بو یره عیسانی سرافراز ایلدی
بیلدی تشریفوی بیر جمعیله اعزاز ایلدی
گوردی اجلالیوی گلدی سنی پیشواز ایلدی
مایۀ فضل و شرف اولدی مسیحایه باشون
.
.
قتلگاهینده اوغول ناله و افغان ائلدیم
قانویله آغاران زلفیمی الوان ائلدیم
اوردا برپا سنه بیر شام غریبان ائلدیم
میهمان گئتمیشیدی خانۀ اعدایه باشون
.
.
نجه سنسیز باخارام بیرده گل و گلشنه من
نیلمیشدیم گوره سن زادۀ ذی الجوشنه من
سوسوز ئولدوردی او ظالم سنی، قربان سنه من
نیزه باشوندا گلوب دیر نصارایه باشون
.
.
دئمه یالقوز یانووا فاطمه افتاده گلوب
سس سسه وئرماقا بو مریم و ساراده گلوب
سنی گورماقه اوغول هاجر و حواده گلوب
اؤزگه بیر شور سالوب عرش معلایه باشون
.
.
بسلمیشدیم باشوی برگ گل اوستونده اوغول
خولی کول اوسته قویوب خاطریمی ائتدی ملول
عاقبت دیر نصاراده گلوب تاپدی بتول
خارجینی گتوروب مذهب طاهایه باشون
.
.
کسدی عطشان باشوی شمر دنی خنجریله
واریمیش کینۀ دیرینه سی پیغمبریله
یووارام اشکیله سیلَّم بالا زلف سریله
باخورام بنزیری بیر لالۀ حمرایه باشون
.
.
ئولدوروب تشنه عراق اهلی حجاز اوسته سنی
قاتلون تاپدی اوغول راز و نیاز اوسته سنی
بیلمورم سالدی نه احواله نماز اوسته سنی
بیلمدی ذکر ائدوری خالق یکتایه باشون
.
.
بو باشین محنتی مشکل یتیشه اتمامه
بو باشی ختم رُسُل وئردی فدا اسلامه
سیر ایدوب نیزه باشیندا گئده جاقدور شامه
شیعه لر باشینه محشرده سالار سایه باشون
.
.
.
.
#سبک_یارالی_جان_یارالی … 4 سبک
پخش‌کننده صوت
.
متن جواب و زبانحال امام حسین علیه السلام از مرحوم #صحاف_تبریزی در هشتک زیر#خوش_گلوب_سالدون_عجب_وقته_منی_یاده_آنا
.
#دیر_راهب
#باشیمی_گور_نه_سالوب_شورش_و_غوغایه_باشون
#علومی_تبریزی
#ترکی
.
#زبدةالاشعار .
?: @nohe_torki
: @nohe_torki . محمدرضامحمدی (ناعم) . حمدلله حق ویروبدی رتبه ی اعلا منه خرقه ی خدمت ایدوب رب جلی اعطا منه یر ویروب اوزجرگه سینده زاده ی زهرا منه من بواعلامنصبی تاج شهانه ویرمرمبیشتر
نظر دهید