باش یارالی پور یداللهه باخ #کوفه_رضوی_زنجانی

ورود کوفه
..
..
..
#سبک_نطقه_گل_ای_شاه_شهیدان_حسین
#سبک_ای_باشی_سرنیزده_معراج_ایدن
..
..
..
رضوی زنجانی
..
..
..
..
باش یارالی پور یداللهه باخ
نیزه ده قرآن اوخیان شاهه باخ
قرآن صداسی، گلدی حسینون
زینب گوروبدی، اوز نور عینون
..
..
..
..
حق اوزی زهرایه وئرن پایدی بو
یوخدی حسینون تایی بی تایدی بو
برج ولایتده چیخان آیدی بو
نیزه باشیندا او گوزل ماهه باخ
قرآن صداسی، گلدی حسینون
زینب گوروبدی، اوز نور عینون
..
..
..
..
باغ بهشتین بودی پیرایه سی
عالمین اوسته سالینوب سایه سی
ذکری اولوب نیزه ده کهف آیه سی
شاه شهیداندا اولان جاهه باخ
قرآن صداسی، گلدی حسینون
زینب گوروبدی، اوز نور عینون
..
..
..
..
عترتینی غصه سالوب تابیدن
جلوه لیدور صورتی مهتابیدن
عالمی بیدار ائلیور خوابیدن
اوندا فلکدن اوجا درگاهه باخ
قرآن صداسی، گلدی حسینون
زینب گوروبدی، اوز نور عینون
..
..
..
..
مقتلی سیناده اولان طوریدور
صورت طاهاده اولان نوریدور
کوفه لیلر گورمز اونی کوریدور
کوفه ده بیر مردم بدخواهه باخ
قرآن صداسی، گلدی حسینون
زینب گوروبدی، اوز نور عینون
..
..
..
..
زینب او زهرایه اولان جانشین
ایندی فلک گور هارا چکمیش ایشین
وارد اولور کوفیه محمل نشین
اوتلی اورکلرده اولان آهه باخ
قرآن صداسی، گلدی حسینون
زینب گوروبدی، اوز نور عینون
..
..
..
..
کوفه لی بیلمور آقا مهمان گلور
گوندی کسوفه یتوب الآن گلور
داش دگوب آنیندان آخور قان گلور
یاره ویران کافر گمراهه باخ
قرآن صداسی، گلدی حسینون
زینب گوروبدی، اوز نور عینون
..
..
..
..
قان بورویوبدور او شه اطیبی
قانلا دیریلدیبدی ولی مکتبی
قان ائلیوب غصه دل زینبی
نیزه و محملده کی همراهه باخ
قرآن صداسی، گلدی حسینون
زینب گوروبدی، اوز نور عینون
..
..
..
..
سسلدی دیندیر باجیوی سن اوزون
زینبیوه فاش ائله هجران سوزون
اوزگه روایت ائلیور یوز گوزون
زینبیچون محنت جانکاهه باخ
قرآن صداسی، گلدی حسینون
زینب گوروبدی، اوز نور عینون
..
..
..
..
بو «رضوی» درگهیوین نوکری
آدیوی ایلوب آقا دل ازبری
قویما سینا دهریده بال و پری
لطف ایله بیر نوکر درگاهه باخ
قرآن صداسی، گلدی حسینون
زینب گوروبدی، اوز نور عینون
..
..
..
..
#کوفه #رضوی_زنجانی #ترکی #زبدةالاشعار