بسته شدن راه فرات
..
..
..
..
..
مرحوم رهبری تبریزی
..
..
..
..
..
باغلادی راه فراتی فرقۀ اعدا بو گون
خیمه لرده قالدی عطشان عترت طاها بو گون
..
..
..
..
..
حیرته سالدی جهانی ظلم قوم اشقیا
گویلره اوج ایتدی یردن تشنه قیزلاردان نوا
دوندی حشره بو غم عظماده دشت کربلا
نینوا دشتینده اولدی محشر کبرا بو گون
..
..
..
..
..
بیر ایله ظلمونده طغیان ایتدی قوم کوفیان
قالدی حیرتده بو ظلمه آغلادی کون و مکان
تشنه لبلردن اوجالدی نی کیمی آه و فغان
ظلم الیله سولدی گلزار و گل طاها بو گون
..
..
..
..
..
الده سو جامی اوشاقلار سو دیوب آغلاردیلار
آغلیان وقته آنالار سینه سین داغلاردیلار
گوز یاشین رخسارینه عطشانیلر باغلاردیلار
چولقاموشدی کربلانی بیر غم عظما بو گون
..
..
..
..
..
باخدیلار قیزلار فراته توکدولر گوز یاشلارون
آغلیوب آغلاتدیلار غملی چولون داغ داشلارون
باجیلار جان تک قوجاقلاردی سوسوز قارداشلارون
عالم معناده آغلاردی دیسم صحرا بو گون
..
..
..
..
..
ام اصغر راضی اولمازدی بالاسی آغلاسون
لعل عطشانین گوروب یا اینکه سینه داغلاسون
اضطراراً قولّارین بند قماطه باغلاسون
سولمیا بلکه قیزل گل تک او مه سیما بو گون
..
..
..
..
..
بیله وقته زینب کبری دُر کنز حیا
خلوت ایلردی خیامی اُول مه برج وفا
آغلیاندا گیزیلین آغلاردی او درده مبتلا
بولمه سونلر قیزلار آغلور نایب زهرا بو گون
..
..
..
..
..
گوز یاشون یوزدن سیلردی بانوان عصمتین
دیندیروب گویلون آلاردی سینه داغلی عترتین
گیزله دردی قان اولان دلده هر آن سو صحبتین
ایستمزدی اهل بیته یوز ویره ایذا بو گون
..
..
..
..
..
دئ صبا زهرایه گلسون کربلا صحراسینه
بیر نظر سالسون بلا صحراسینون طغراسینه
زینبین گورسون نجه سالموشلا غم دریاسینه
اوج ایدوب عرشه نوای زینب کبری بو گون
..
..
..
..
..
(رهبری) یاز تشنه لر حالون ایله اعلان بوگون
سو گورنده شیعه لر قان آغلاسون هر آن بوگون
آغلوری مظلوم حسینه عالم و امکان بوگون
اوج ایدیر عرش خدایه آه و واویلا بو گون
..
..
..
..
..
باغلادی راه فراتی فرقه اعدا بو گون #فرات_رهبری_تبریزی
نظر دهید