کوچ از شام
..
..
مرحوم خوندل تبریزی
..
..
شامدن کوچ ایلینده عترت حبل المتین
توکدی رخساره سرشگین زینب زار و حزین
..
..
قصد ایدوب آل رسولی محمله ایتسون سوار
پوشش محمللری گوردی تماماً زرنگار
قلبینه غم سوزشی بیر نوعیله ویردی شرار
توکدی گوزیاشی اورکدن چکدی آه آتشین
..
..
چوخ ایدوب تأثیر قلب زینبه بو ماجرا
ایلدی بیله سفارش کای یزید بی حیا
اوز غمیم آخر من نالانه ایلر اکتفا
بو نجه محملدی نه زرتار پوشش ای لعین
..
..
امرویله کوفیان ئولدوردولر قارداشیمی
یاسلیم غلطان ایدوبله قانه آل هاشمی
خوش دگل غم ایمدیدن قان ایلسون گوز یاشیمی
ویر قرا ایتسونله بو محمللرین اؤرتوکلرین
..
..
چکدیروب محمللره قاره یزید بد شعار
ایلدی زینب حریم اطهری بیر بیر سوار
تا یتوب اطفال شاهه نوبت اول کان وقار
هاشمیه قیزلاری بیربیر ایدوب محمل نشین
..
..
تک به تک آل اللهی ایلوب ندا گلدی جواب
گوردی اما فاطمه یوخدی اولوب قلبی کباب
آختاروب ویرانه ده تاپدی گوزینده اشک ناب
گوردی باجی قبری اوسته دل دییر ایلر انین
..
..
ای رقیّه یاتما بو ویرانه یرده دور گیداخ
قویما چوخ اشکیم توکولسون روی زرده دور گیداخ
اوّلیندن همرهیم سن بو سفرده دور گیداخ
کیم جهاندا ترک ایدر من تک وفالی خواهرین
..
..
دخت زهرا تا ایشیتدی بو یانقلی دللری
یاندی قلبی توکدی گوزدن عارضه اشک تری
سویلدی ای زینبون آرام قلب مضطری
دور ایاقه ایتمه ناله بیر بیله اولما غمین
..
..
بو یانقلی قلبیمی یاندیرما یانما دور گیداخ
عمّه وی آرتوق دایاندیرما دایانما دور گیداخ
قافله اهلین یوباندیرما یویانما دور گیداخ
انتظاروندور سنون اولاد ختم المرسلین
..
..
تا ایشیتدی دخت شه اوز عمّه سیندن بو سوزی
غملنوب دولدی دوباره اشکیله آغلار گوزی
گوزلرینده اشگ محنت حال حیرتده اؤزی
زینبه اظهار ایدوب بو نوعیله درد دلین
..
..
قویمارام قالسون رقیّه شامده من گیتمرم
ایلرم ویرانه ده قبرین نشیمن گیتمرم
فرض ایدوب ویرانه نی بیر صحن گلشن گیتمرم
قصر عالیدن منه خوشدور بو قبر دلنشین
..
..
قویمارام بو گوشۀ غربتده تنها گیتمرم
تا نفس وار ایلرم بو قبری مأوا گیتمرم
یوخدی منده هجرینه صبر و شکیبا گیتمرم
قویسالار اولّام مجاور عمّه جان ایله یقین
..
..
«خوندلا» آل علینون محنتین ایله رقم
سر بلند ایلر ایکی دنیاده شاه محتشم
دوشمه تردیده بو شهده چوخدی احسان و کرم
نوکرین محشرده ایلر داخل خلد برین
..
..
#کوچ_شام #خوندل_تبریزی #ترکی #زبدةالاشعار
نظر دهید