درد دل حضرت علی ع در حال احتضار با حضرت زهرا سلام الله علیها
.
.
سعید حضرتی آذرشهری (هاتف)
.
.
بسترایچره اورگی غمله دولوب مولانین
هی خطاب ائیلوری یورقون نفسیله جانین
.
باش یاریدی،ولی قویموشدی اورک باشینه ال
هی دئیوردی منیم ای غم گونی دلداریم، گل
.
فاطمه، جنگیدن حیدر گینه یاره گئتیریب
اوز اوزون سنسیزعلی بیر یاراسیلان ایتیریب
.
زینبین اللری چوخ خیردادی، کاری یاراما
مهر الوندن صورا اولمازائده یاری یاراما
.
سن سیزم، جانیمی لاغیر، بوسنسیزلیغ آلار
بلبل یاره لی جانین بو چمن سیزلیغ آلار
.
سالیرام یادیمه که زخمیلریم کثرتدن
دوزَلردی هامیسی سن چکنی زحمتدن
.
جنگیلردن قئیدنده یارامی باغلاردون
یارامی باغلییب آهسته اوپوب آغلاردون
.
هی اوپوب یاره می آغلاردی گوزون آهسته
گوزومی عشقیله باغلاردی گوزون آهسته
.
بستر راحتی عشقیله سالاردون زهرا
دردیمی هرنه قدر اولسا آلاردون زهرا
.
اللرونله یارامی عشقیله لمس ائیلردون
آزدی هرقدری دئسه م حیدره سن نئیلردون
.
اینجیدیر ایندی قسم زینبه، بو سوز یارامی
سن که بیر یئرده منیم باغلامیسان یوز یارامی
.
قویمادون یوز یارا طاقت بو علی دن آلسین
آز قالیر بیر یارام ایندی منی دیزدن سالسین
.
خیبری فتح ائده نون گور نئجه احواله قالیب
باشینین یاره سی یوخ، دل یاراسی صبرین آلیب
.
سنیله، فاطمه یوز یاریه دوزمیشدیم من
اولماسون، بیر یارا بسدور منی سالسین دیلدن
.
یارا سوزدی، بوبهانه مدی، چمن سیزلمیشم
اورگیم تنگه گلیب فاطمه سن سیزلمیشم
.
ولی قلبیم سویونور فاطمه بیر بابتدن
منیده سن کیمی بیر یاره سالیرطاقتدن
.
منده سن تک، یارامی باغلیا بولمور بیرکس
سندن اوتری بو اولان عشقیمی بولمور بیرکس
.
سنی، سینونده اولان، بیر یارا مندن آلدی
منیده ، باشدا که بیر یاره، ایاقدان سالدی
.
دوز اولان عاشقین ائیله بیر اولار آمالی
عاشقین آخری معشوقینه اوخشار حالی
.
بیر غمیم وار که ائدور قلبی اذیت ئولورم
قاپی جریانینه خاطردی، خجالت ئولورم
.
سوزی قوی پرده لی قالسین که خجالت چکیرم
آند اولا روحیوه عالمجه مصیبت چکیرم
.
بو خجالت سوزی عالم بویی چوخ نیسگیلی وار
بیریده من کیمی آینده ده،اوخ نیسگیلی وار
.
اودا من تک گوزی دلداره خجالت یاتاجاق
گوزی یاشلی منه تای یوللارا حسرت باخاجاق
.
.
#حیدریه #حضرتی_هاتف #ترکی #حیدریه_شهادت #زبدةالاشعار
نظر دهید