بش گونلیک عمره دائمی انسان بلا چکر #پندیات_نادربابایی

پندیات
.
.
حاج نادر بابایی
.
.
بش گونلیک عمره دائمی انسان بلا چکر
غربت سرای دهریده واغربتا چکر
.
بو چرخ کجمدارین عجب واردی گردشی
دریای حیرته بشری ای بسا چکر
.
دنیا یالاندا اولسا اونون دوزدی غملری
اما بو غملری دل درد آشنا چکر
.
افسوس همیشه گلشنی زاغ و زغن گزر
بلبل قفسده ناله ی وا غربتا چکر
.
شهبازیلر یرینده اوچار لاشه خواریلر
هر کس به قدر معرفتی آه و وا چکر
.
سیم و زر اولسا دهریده انسانلیقا بها
بازار مصره یوسفی هر بیحیا چکر
.
عارف جهاندا مسلخ عشقین ذبیحیدی
جاهل مینوبدی توسن نفسی صلاچکر
.
صبحه کیمی معاویه حوض شرابیده
لهو و لعبده عیشینی ابن الزنا چکر
.
اما گزردی چوللری مظلوم علی گجه
آغلار گوزیله غملری شیر خدا چکر
.
دردا بو سوزده ایندیده چوخدور معاویه
قرآن الینده دینه خدنگ بلا چکر
.
شاعر دایان بو قدریده شِکویله سوز دئمه
بیر ساحله بو کشتی دینی آقا چکر
.
بایرامدی ای کونول غم ایامی زائل ائت
ایل بایرامیندا اهل ولا حبّذا چکر
.
بو گونده (نادرا) آقادان سنده آل صله
بیر باخماقیلا گورسنی هاردان هارا چکر
.
.
#پندیات_نادربابایی #ترکی #زبدةالاشعار