زبانحال بعد از شهادت حضرت حسین (ع)
و آمدن ابن سعد بقتلگاه
.
#زبدةالاشعار
.
: @nohe_torki
.
مرحوم عاصی تبریزی
.
بقعیدن گذر ائت کربلایه یازهرا
دوشوبدی گور نئجه اوغلون بلایه یا زهرا
.
ستمله اوغلوون ئلدوردولر کومکلرینی
یتوب ملال غمی انتهایه یازهرا
.
جفا الیله علی اکبرین ائدوبله شهید
گلوبدی نی کیمی لیلا نوایه یازهرا
.
گل ائیله بیرجه نظاره او تازه داماده
باخ اللرینده اونون قان حنایه یازهرا
.
عروسی قاره گیوبدور، آناسی بزم عزا
دوتوبدی قاسم نو کدخدایه یازهرا
.
سو اوسته سالدیلار عباسوون ایکی قولونی
نظاره قیل ستم اشقیایه یازهرا
.
دولوبدی مشگینه قان سرنگون اولوب علمی
چخوبدی زینبون آهی سمایه یازهرا
.
نه عرض ائدوم دیماقا دوتموری دلیم نه دیوم
نه ظلم اولوبدی او صاحب لوایه یا زهرا
.
سوسوز ال اوسته علی اصغرینی اوخلادیلار
مؤثر اولدی غمی انبیایه یازهرا
.
ائیله یارالادی بو غصّه اوغلوون قلبین
که دوندی رنگ رخی کهربایه یازهرا
.
نقدر غم یتشوب آرتدی قوت قلبی
دلینه گلمدی حرف گلایه یازهرا
.
بلا و محنته وئرمیشدی دل اوزی بو حسین
بلی دیمیشدی ازلدن بلایه یازهرا
.
منای حقده وئروب تا جوانلارین قربان
بتشدی قلبده کی مدعایه یازهرا
.
گوروبدی عهدینی ناقص وفا کتابنده
ختامه وئردی او عهد و وفایه یازهرا
.
اوجاتدی باشینی تا اینکه باشدان ال چکدی
یتوردی باشینی نوک جدایه یازهرا
.
او دم که ختمه یتوب امر قتل شاه شهید
دوشوبدی زلزله عرش خدایه یازهرا
.
تفاخریله او دم ابن سعد بدفرجام
گلوبدی قتلگه غم فزایه یازهرا
.
سالوب یاننجا سران سپاهدن بیر جمع
گلوب همان یره سیر و صفایه یا زهرا
.
شهیدلر بدنین بیر به بیر ائدوب تفتیش
تاندیروبلا او شوم و دغایه یازهرا
.
عصا شل اولموش الینده هوای ری باشدا
باخوب باشند که کبر و هوایه یازهرا
.
او حالیله یتشوب نعش شاه دین یاننا
باخوب او جسم ذبیح القفایه یازهرا
.
گوله گوله او دنی سویلدی بودور او حسین
که فخر ائدردی هامی ماسوایه یازهرا
.
بودور او کس که بونا قابله اولوب لعیا
امین وحیدی بو شاهه دایه یازهرا
.
///غارت لباس شهدا///
.
همان حسینی که قونداق ایچنده زینت ایچون
گئدوبدی عرش حق کبریایه یازهرا
.
گورون نه نوعیله ئولدورموشم مذلتیله
گئدوبدی ملک وجودی فنایه یازهرا
.
اوزی ال آتدی ازل سویدی شاه دینی کمرین
یول آچدی طایفۀ اشقیایه یازهرا
.
شروع ائیلدی تاراجه قوم کین پرور
آلوب او جسم شریفی آرایه یازهرا
.
بیری عباسین آپاردی بیری عمامه سینی
بیری قباسینی باخ بیر جفایه یازهرا
.
سویولدی پیکری قالموب مگر او کهنه قمیص
باخ اهل کینه ده شرم و حیایه یازهرا
.
فسوس و آه او کوینکده غارته گئتدی
چکیلدی داغ دل مرتضایه یازهرا
.
سویان کیم اولدی نئجه سویدی واضحین دیمرم
دلیمده یوخدی توانا ادایه یازهرا
.
نه زحمتیله چخار پاره پاره بیر کوینک
بدنده چسب اولا دوت مین یارایه یازهرا
.
بویوک جسارت اولوندی بو قصه عاصیدن
گذشت ائله سن آنان مصطفایه یازهرا
.
.
.
.
.
.
#غارت_خیام_عاصی_تبریزی
#حسینیه_شهادت
#بقعیدن_گذر_ائت_کربلایه_یازهرا
#ترکی
.
#زبدةالاشعار
.
: @nohe_torki
.
نظر دهید