بلالی فاطمه گتدی شرار محنته یاندیم #فاطمیه_تائب_تبریزی

زبان حال حضرت علی (ع)
بعد از شهادت حضرت زهرا (س)
..
..
مرحوم تائب تبریزی
..
..
بلالی فاطمه گتدی شرار محنته یاندیم
یارالی فاطمه گتدى أؤزوم یاندیم یارالاندیم
غریبم من غریبم من
غریبم من غریبم من
..
..
همایم شهپریم سندی اودور لانه نشین اولدوم
قاپیم باغلاندی ظلمیله أؤزوم خانه نشین اولدوم
غریبم من غریبم من
غریبم من غریبم من
..
..
أؤزولدی بو الیم الدن بیله قالدیم الیم باغلى
دلیم آتدا سوزوم قالدى الیم باغلی دلیم باغلى
غریبم من غریبم من
غریبم من غریبم من
..
..
من اولدوم بی سروسامان وفالی همسریم گتدی
منی یالقیزلادی دشمن الیمدن لشکریم گتدی
غریبم من غریبم من
غریبم من غریبم من
..
..
قریلدی غنچه سی شاخ مروّتدن گلیم سندی
الیمدن فاطمه گتدى أؤزوم سندیم بلیم سندی
غریبم من غریبم من
غریبم من غریبم من
..
..
ویرنده غسل زهرایه بدن نیلی اؤزوم گوردوم
جمالینده واریدی نقشۀ سیلی اؤزوم گوردوم
غریبم من غریبم من
غریبم من غریبم من
..
..
خزان اولدی بهارینده گلیم منده خزان اولدوم
داموب قان باغریما لاله کیمی من باغریقان اولدوم
غریبم من غریبم من
غریبم من غریبم من
..
..
گلستانیم گلیم سولدی عزالی عندلیب اولدوم
منه غربت وطن اولدی غریب اولدوم غریب اولدوم
غریبم من غریبم من
غریبم من غریبم من
..
..
فراق فاطمه آتش یارالی سینه مه سالدى
دلیمده فاطمه آدی اورکده اللریم قالدى
غریبم من غریبم من
غریبم من غریبم من
..
..
اَریمیش قلبیمی گورسه گلر درده اریر داغلار
آخان گوز یاشیمه باخسا زمان آغلار زمین آغلار
غریبم من غریبم من
غریبم من غریبم من
..
..
جهاندا کیم حقوقیندن اولوبدور من کیمی محروم
هانی من تک اولان محروم هانی من تک اولان مظلوم
غریبم من غریبم من
غریبم من غریبم من
..
..
هزار افسوس اجل گلدی الیمدن آلدى زهرامی
منیم دنیامیدی زهرا آپاردی قبره دنیامی
غریبم من غریبم من
غریبم من غریبم من
..
..
پریشان روزگاریم وار پریشان اولمیوم نیلوم
مصیبت آغلادور من دیده گریان اولمیوم نیلوم
غریبم من غریبم من
غریبم من غریبم من
..
..
پریشانم پریشانم نه حالیم وار بیلن یوخدور
همیشه دیده گریانم گوزوم یاشین سیلن یوخدور
غریبم من غریبم من
غریبم من غریبم من
..
..
بهاری نیلورم بیرده گلستانیم خزان اولدی
منیم بو قان اولان گوگلوم بسان غنچه قان اولدی
غریبم من غریبم من
غریبم من غریبم من
..
..
ایدر بیداد یالقیزلیق بو یالقیزلیق منی سیخدی
یخار مردی آدامسیزلیق آدامسیزلیق منی یخدی
غریبم من غریبم من
غریبم من غریبم من
..
..
غم غربت سخوب تائب گتوردی خاطرون درده
وطن یادیله مولانین دلینجه ذکر ایله بیرده
غریبم من غریبم من
غریبم من غریبم من
..
..
#فاطمیه #تائب_تبریزی #فاطمیه_شهادت #ترکی #زبدةالاشعار