زبانحال امیرالمؤمنین علی(ع) در شهادت حضرت زهرا (س)
..
..
#سبک_خداحافظ_ای_آنام_باجی … #سبک_شیرین_سوزوم_آیدین_اولدوزوم … #سبک_عم_اوغلی_چوخ_گل_سارالار
..
..
عُلیوی
..
..
گیدن قبره سینه سی یاره فاطمه خداحافظ
بالالارون قالدی آواره فاطمه خداحافظ
..
..
یوخوما گل فاطمه رفع محنت و ملال ایله
اوشاقلارین حالینی زهرا هرگئجه سوال ایله
ائویمده خوش گون گورنمدون حیدری حلال ایله
سینه سی یاره گونی قاره فاطمه خداحافظ
..
..
ائویمده محزون دولانماقون یادیمه سالوب یانام
شرار محنت ده یانماقون یادیمه سالوب یانام
قاپی دالیندا دایانماقون یادیمه سالوب یانام
یانارام باخدوقجا مسماره فاطمه خداحافظ
..
..
ئولوم اولسون حیدره زهرا سینه سی یارا گتدون
علی نون عمرون بو دنیاده ایلدون قارا گتدون
قنادی سینمیش گورچینیم پر آچوب هارا گتدون
سخیلمیشدون اوتلی دیواره فاطمه خداحافظ
..
..
اورک دردین آچمادون زهرا ایلدون نهان گتدون
بالالارون چوخ اوشاقدیلار قبره ناگران گتدون
بونا سوز یوخدی ئولوم حقدور سن ولی جوان گتدون
خزان تز گلدی بو گلزاره فاطمه خداحافظ
..
..
علی چوخ درد و بلا گوردی اگمدی بلین غملر
یخیلمادی هئچ مصیبتده جانشین پیغمبر
یخلیوب دور قبریوون اوسته آغلیور یل خیبر
بو درده یوخ دنیادا چاره فاطمه خداحافظ
..
..
بالالارون ائوده زهراجان،جان ننه دیوب آغلار
گلن اولماز یاسیوه زهرا،قاپونی حسن باغلار
دییر کوچه نون جریانین قلب عالمی داغلار
دگوب سیلی نیلی رخساره فاطمه خداحافظ
..
..
رسولیلن باغلیوب پیمان دورموشام سوزوم اوسته
بو پزقون قبرین کنارینده دوشموشم اوزوم اوسته
قوناق گلسون ائتمرم غمگین ساخلارام گوزوم اوسته
علی حسرت قالدی دیداره فاطمه خداحافظ
..
..
دوشوللر یاده او گونلر که دردیمه دوا گلدی
قدم قویدون سن اتاقیمه روحیمه صفا گلدی
آز اولدی خوش گونلرین عمری باشیمه بلا گلدی
کیمی محرم ایلوم اسراره فاطمه خداحافظ
..
..
سنی محنت دامه تز سالدی یاننام آغلارام زهرا
الونن آرامیوی آلدی یاننام آغلارام زهرا
قرا گونلر زینبه قالدی یاننام آغلارام زهرا
چکللر قول باغلی بازاره فاطمه خداحافظ
..
..
بو نیسگللی شعری علیوی گوزیاشین توکوب یازدی
اوزی قاره دور گناهی چوخ قبره توشه سی آزدی
اوشاقلیقدان سنگر حقده غمکشیده سربازدی
ئوزون قیمت وئر بو اشعاره فاطمه خداحافظ
..
..
#فاطمیه #علیوی #فاطمیه_شهادت #ترکی #زبدةالاشعار
نظر دهید