بلی لازمدی یازماق اوّل دیوانه بسم الله #حیدریه_دلریش

در مدح و منقبت امیرمومنان(ع)
.
#زبدةالاشعار
.
: @nohe_torki
.
.
مرحوم دلریش
.
بلی لازمدی یازماق اوّل دیوانه بسم الله
یازوبلار منشیان دیباچه قرآنه بسم الله
.
نقدری نظم و نثری کیم اولوب ایجاد عالمده
اولارون جمله سی بیر یانه دور بیر یانه بسم الله
.
کلید باب جنت دور بو اسم راحم و رحمن
چکر انسانی بی شک کفردن ایمانه بسم الله
.
رجوع ایتسه بیر امر مشکله هر ذی حیات آری
یقینأ دوندرور هر مشکلی آسانه بسم الله
.
علوم اولین و آخرین چون نقطه با دور
آچار راه هدایت جمله انسانه بسم الله
.
عبارت نقطۀ با دن وجود شاه مرداندور
اودور یازمیشلا عرش خالق سبحانه بسم الله
.
باشیندا هر کیمون وار عشق سوداسی جهان ایچره
قدم قویسون گوریم مردانه بو میدانه بسم الله
.
او کس کیم سویلوری من عاشقم گیزلتمسون عشقین
گرک عاشقلرون کاری اولا مردانه بسم الله
.
بورا مسجد دگیل میخانه دور زاهد ریا اولماز
محبّت ایستین عاشق بودور میخانه بسم الله
.
الین اؤپ پیر رندانون اولا مقصود جانانون
اوتور بو بزمیده سنده بیله رندانه بسم الله
.
مرادون گر اولا عکس رخ دلداری گورمکدن
گل آل ساقی الیندن بیر دولی پیمانه بسم الله
.
منوّر ایلیوب شمع رخ دلدار آفاقی
اولورهر کیم بو شمع عشقیده پروانه بسم الله
.
منی مست ایله اوُل می دن دولانوم باشیوه ساقی
ایچوم تا مست اولوم منده دیوم مستانه بسم الله
.
ریاضت چکگیله میلون اگر اولسا گوگول دورما
چکیل بایقوش صفت بیر گوشۀ ویرانه بسم الله
.
ره جاناندا «دلریش» ایلیوبدور ترک باش و جان
ایدر هر کیمسه قربان جانینی جانانه بسم الله
.
.
#حیدریه_مدح
#بلی_لازمدی_یازماق_اول_دیوانه_بسم_الله
#دلریش
#ترکی
.
#زبدةالاشعار
.
: @nohe_torki