در شهادت حضرت خاتم الانبیا (ص)
.
✍️ زبدة الاشعار ✍️
.
🆔: @nohe_torki
.
مرحوم سید یوسف نجمی تبریزی
.
آغلا ای گوزوم دویونجا،
ختم انبیا غمینده
توک سرشک حسرتیله،
ناله مصطفی غمینده
.
.
.
اهلبیت مصطفایه یوز ویروب بو گونده مین غم
عالم بقایه رحلت ایلیوب رسول اکرم
بحر غمده غرق اولوبدور کشتی نجات عالم
آغلاسون گرک سفینه اهلی ناخدا غمینده
.
.
.
مسکن ایلدی بو گونده مصطفی دل ترابی
عرش ایدوب ترابه غبطه غم پوزوب ابوترابی
قالمادی امین وحیین طاقت و قرار و تابی
آتدی تاجینی باشیندان تاج انّما غمینده
.
.
.
فاطمه کلاف درد و غصّه دن اله اوج آلدی
ناله و فغان و زاری عرشه فرشدن اوجالدی
باش آچوب گلوب نوایه گُل کیمی سولوب سارالدی
سالدی شیون عالمینه میر اصفیا غمینده
.
.
.
بیر طرفده شیر حقّین اوج ایدوب فغان و زاری
مرتضی علی الیندن بو غم آلدی اختیاری
وجه وجه ذوالجلاله دُرّ اشگ اولدی جاری
گلدی نی کیمی نوایه هَل اَتی غمینده
.
.
.
مجتبایه چوخ بو گونده یوز ویروبدی درد ومحنت
درد و غمدن اولدی غرق بحر غصّه و مصیبت
صورته توکردی گوزدن دمبدم سرشک حسرت
اود دوتوب یاناردی دلدن جدّی مصطفی غمینده
.
.
.
بیر طرفده آه زاره گلدی کربلا غریبی
گوز یاشی توکردی گوزدن باغ جنّت عندلیبی
آغلاماق سسین حسینون آلدی تا خدا حبیبی
گلدی باطناً نوایه شاه کربلا غمینده
.
.
.
وار نه سرّ حسین آدیندا من اولوم او آد فداسی
آدی ذکر اولان زماندا اوج ایدر گوگل نواسی
مین آدینداکی اثردن چوخدی باشینون بلاسی
ایتمز عرش وفرش بیجا حشره دین نوا غمینده
.
.
.
#نجمی توک سرشک حسرت آغلا معرفتله آغلا
سوز آهیله دمادم بو عزاده سینه داغلا
گوزیاشون تمامه یتسه خون دل عذاره باغلا
نی کیمی نوایه گل بو شاه نینوا غمینده
.
.
.
#سبک_قافله_غم_دوزولدی
مشابه به سبکهای :
#سبک_سنه_سو_دین_دوداقلار
#سبک_سنی_سسلیور_هرایه
#سبک_یارالار_سینونده_قارداش
#سبک_سو_یوخومدی_قزلاروندان
#سبک_یانور_اصغریم_سوسوزدان (جوشی زنجیر) و …
.
.
.
#پیامبراسلام_شهادت
#آغلا_ای_گوزوم_دویونجا_ختم_انبیا_غمینده
#نجمی_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید