زبانحال رباب (س) در مدینه
.
✍️ #زبدةالاشعار ✍️
.
🆔: @nohe_torki
.
#سبک_دل_شب_ایلیوب_سفر … 4 سبک
مشابه
.
حاج نادر بابایی
.
بهاریم اولدی تئز خزان سارالدی غنچم آچمادی
سووا آپاردی باغبان سارالدی غنچم آچمادی
.
.
گیدنده غملی بلبولیم دیدیم گلر بو گلشنه
قوجاقیمه قیتمدی ، قیتدی قونداقی منه
دیدیم که دیل آچار بالام شیرین شیرین دِیَر ننه
خبری گلدی ناگهان سارالدی غنچم آچمادی
.
.
گورنده من هر عورتی اوشاق آلوب قوجاقینه
و یا گورنده غنچه نی تیکان چیخوب بوداقینه
خیالیمه دوشر بالام که اوخشارام فراقینه
او دوشلوگه باتاندا قان سارالدی غنچم آچمادی
.
.
دیمزدیم هیچ جهانیده دیل آچماقینی گورمرم
همیشه ساخلارام یاسین وفا یولون ایتورمرم
ئولونجه بو مدینه ده حنا یاخوب ساچ هورمرم
فغانه گللم هر زمان سارالدی غنچم آچمادی
.
.
اوغول غمینده دهریده خدا بیلور نه غم یدیم
تاپانمادیم جنازه سین دالیجا اوخشاما دیدیم
فلک سئوبدی قبریمه یانان اورکده داغ گیدیم
دیرم هی ویرنده جان سارالدی غنچم آچمادی
.
.
بیری که باشلار اوخشاما هامی بو ایوده باش یولار
ولی من آیری آغلارام سیزیلدارام اورک دولار
صود امریمی اوخشارام اولارا عمده درد اولار
اورک لری دوتار دومان سارالدی غنچم آچمادی
.
.
آشوب داشار منیم غمیم همیشه گون باتان زمان
هواده گوررم اصغرین دوداقینه باتوبدی قان
اوشاق اَمَر ننه صودین ایکی بهار ایکی خزان
تئز آیریلوب دیل آچمیان سارالدی غنچم آچمادی
.
.
بالا غمینده آغلادیم گوزوم یاشی آزالمادی
مصیبتی قراریمی هاچان الیمدن آلمادی
او ئولدی لااقل منه رقیّه سیده قالمادی
اولوب خرابه ده نهان سارالدی غنچم آچمادی
.
.
آتوبدی حرمله اوخی ایدوبدی حلقینی پارا
فلک سوسوز بوغاز هارا هدفدن انّی اوخ هارا
آچیخ دیمم که نیلدی ، آقام قولی اولوب یارا
آغاردی زُلفیم اوخ آتان سارالدی غنچم آچمادی
.
.
من آلتی آیلیق اوغلومی او چولده ویرمیشم فدا
باباسینون او گون غمی وروبدی قلبیمه یارا
اَننده تللی خیمیه گلوب قولاقیمه صدا
باجیسینا ایدوب بیان سارالدی غنچم آچمادی
.
.
منه دیوللر آغلاما چوخ ایتمه غم یاراسینا
نئجه دیوم که آغلورام سوسوز ئولن آتاسینا
تک ئولمیوب سنون بالون ، باخ اکبرین آناسینا
دیلیمده ایلرم عیان سارالدی غنچم آچمادی
.
.
عزیز فاطمه حسین توجّه ایله سن منه
اوره گی غملی «نادرم» قاپوندا نوکرم سنه
همیشه آغلارام بالون قتیل اولاندا دشمنه
دیدون که باغریم اودی قان سارالدی غنچم آچمادی
.
.
.
.
#حضرت_رباب #نادربابایی
#بهاریم_اولدی_تئز_خزان_سارالدی_غنچم_آچمادی
#ترکی
.
✍️ #زبدةالاشعار ✍️
.
🆔: @nohe_torki
نظر دهید