بهشتی داغی الله تازه لندی #شهیدخدمت_کلامی_زنجانی

تقدیم به شهدای سقوط بالگرد، رئیس جمهور عزیزمان و هيئت همراه
(شهدای بااخلاص راه خدمت)
..
..
..
کلامی زنجانی
..
..
..
بهشتی داغی الله تازه لندی
رئیسی قانه میداندا بَلَندی
امیدِ امّت اولدی
شهیدخدمت اولدی
..
..
..
رضا خدّامی رحمت دهّه سینده
شهید اولدی کرامت دهه سینده
گوز آغلار معنویت دهه سینده
گینه خاک بلا باشه اَلَندی
..
..
..
وطن مسئولّاری جاندان گیچوللر
جوانمردان میِ عرفان ایچوللر
شهیدی اوّل صفدن سیچوللر
ایشیتسون هر کس اسراری بیلَندی
..
..
..
سلام اولسون رجاییّ ِ زمانه
اونا همراه اولان دلدادگانه
هم آل هاشم، عبداللهیانه
هم استانداره کی جاهی علندی
..
..
..
گلور سس ورزقانین داغلاریندان
هم آذربایجانین باغلاریندان
جگریاندی شهیدلر داغلاریندان
گینه الفت کتابی پاره لندی
..
..
..
رئیس جمهوریمیز مشکل آچاردی
رئیسی دی ریاستدن قاچاردی
علم اوج شجاعتده ساچاردی
بو مظلوم اشکینی گوزدن سیلندی
..
..
..
وفانی باشدان آتماز اهل ایران
چیخاتماز سیّد مظلومی یادّان
رئیسی ده حسینه اولدی قربان
حسین عشّاقی جان اوسته گولندی
..
..
..
« کلامی» یاز رئیسی چاتدی نوره
دلینده یا حسین گیتدی حضوره
یاناردی داغِ گودال و تنوره
چوخور یئرده گوروب جاه بُلندی
..
..
..
#رئیسی #رحمتی #امیرعبدالهیان #آل_هاشم #شهید #شهید_خدمت #شهید_جمهور #کلامی_زنجانی #ترکی