در شهادت امام حسن عسکری (ع)
#گریز به #قتلگاه
.
✍️ زبدة الاشعار ✍️
.
🆔: @nohe_torki
.
کریمی مراغه ای
.
آخور گوزوم یاشی رخساریمه چو ماء زلال
ائدن زمان حسن عسکری غمینده خیال
.
تعجبم نیه بو چرخ شوم و کج رفتار
همیشه اهل ولانی ائدوبدی غرق ملال
.
سالوب بلا و غمه هر امامی بیر بی دین
آلوبدی حقین الیندن ائدوب پریشان حال
.
بونوندا حقّینی غصب ایلدی بنی عباس
ائدوبدی غصب خلافت او شوم کینه خصال
.
بو ظلمه دویمادی آخرده معتمد ملعون
امامه زهر وئروب ائتدی صبرینی پا مال
.
او زهر امامی ایاقدان سالوب مریض ایلدی
یغوب اَعاظِمِ شهری او مرتد و حَیّال
.
باخوب اعاظم شهره دئدی اولون شاهد
بو گون مریضیدی بو سید خجسته مآل
.
بو ئولسه شیعه لری دوتماسین منی مسئول
که من رضا دگولم بار اولا منه بو وبال
.
معاینه ایلسون دکتر ایلیون امضا
بیاون که ئوز اجلیلن ئولوب بو ذی الاجلال
.
طبیبی باخدی دئدی ضعفی وار عناصرده
سو ایستینده وئرون مستکی بونا فی الحال
.
او بزمده امرادن دوتولدی استشهاد
صراحتیله او طوماری مهر ائدوبله رجال
.
گلوبدی باشنون اوسته عیادت ایلماقا
اولوبدی ظاهراً افسرده باطناً خوشحال
.
امام آچوب گوزینی باخدی قاتله یومدی
توکوب جمالینه گوز یاشنی او ماه جمال
.
#گریز #قتلگاه
.
ایکی امام گوزین آچدی قاتلین گوردی
بیری بو شهدی که احوالینی دئدیم اجمال
.
ایکیمجی کرب و بلا شاهی نور چشم بتول
قتیل راه حقیقت شهید قوم ظلال
.
دوشوب یارالی وجودیله بیر چوخور یرده
او قدری قانی آخوب قانیله دولوب گودال
.
هوانون ایتیسی یورقون یارالی سوز عطش
گلن وورور یارا قانین بیلوبله بسکه حلال
.
حزین حزین دیور ای قوم دوشموشم دلدن
جگرلریم آلشوب ای گروه بد افعال
.
او دمده ایلدی احساس آغرلاشوب سینه
ائشیتدی وار باشنون اوسته اوزگه قال و مقال
.
آچاندا گوزلرینی گوردی شمر شوم و شریر
چخوبدی سینه سینه الده خنجر قتال
.
بلالی زینب الیلن دوتوبدی خنجرینی
گوزینده گوز یاشی اما الینده بیر دسمال
.
دیور او قدری امان وئر که باغلیوم گوزینی
یاخیندی شمس امات تاپا بو چولده زوال
.
دئدی آنام باجی صبر ائت ال آتما معجریوه
هنوز ئولمه میشم من ندور بو پوزقون حال
.
ال آتما خنجرینه یوخدی بوندا رحم اثری
خیامه گئت داغیلار ایمدی چوللره اطفال
.
«کریمیم» اوزیمی سالمشام بو درباره
حسینه نوحه یازوب آغلیام گرک مه و سال
.
متن برای نوحه سینه زنی در هشتک زیر
#ترک_ایدوب_مظلوم_آتان_دنیانی_یا_صاحب_زمان
.
.
.
#عسکریه_شهادت
#آخور_گوزوم_یاشی_رخساریمه_چو_ماء_زلال
#کریمی_مراغه_ای
#ترکی
.
✍️ #زبدةالاشعار ✍️
.
🆔: @nohe_torki
نظر دهید