بهشت عشقه زینب یتیشدى کاروانیم #ورود_کربلا_بهزاد_قاسمی

ورود به کربلا
..
..
..
بهزاد قاسمی اردبیلی
..
..
..
بهشت عشقه زینب یتیشدى کاروانیم
بو چول کرب و بلادی آخار بو چولده قانیم
باجی گل سینه داغلا
حسینیم وای دئ آغلا
..
..
..
بویر بیریردی زینب چاتار نامرده باشیم
دوا محتاجی اولام، دوشر مین درده باشیم
بوغازیمدن آخار قان قالار اللرده باشیم
چیخار جانانه خاطر منیم مقتلده جانیم
باجی گل سینه داغلا
حسینیم وای دئ آغلا
..
..
..
بو تلی کی گورورسن بلا گستردی زینب
بو تل اوسته هوادن یاغار غم گردی زینب
سنی بوردا قوجالدار حسینون دردی زینب
بو تل اوسته اولارسان منیم سن نوحه خوانیم
باجی گل سینه داغلا
حسینیم وای دئ آغلا
..
..
..
کئچر غملر رقمدن بو غملی غم سراده
عزالی کاروانیم گزر کوی عزاده
باجی بو چولده اکبر یاتار قانلی عباده
اولار مقتلده خاموش چراغ زندگانیم
باجی گل سینه داغلا
حسینیم وای دئ آغلا
..
..
..
یتیشمز کامه عاشق بو صحراده عمل سیز
منیم دیوان عشقیم اولار شعر و غزل سیز
یاتار نهر اوسته زینب گوزل عباسیم ال سیز
قییتمز خیمه گاهه امید خانمانیم
باجی گل سینه داغلا
حسینیم وای دئ آغلا
..
..
..
#ورود_کربلا #بهزاد_قاسمی #ترکی #زبدةالاشعار