مدح حضرت امام حسین (ع)
.
✍️ #زبدةالاشعار ✍️
.
🆔: @nohe_torki
.
محمد وهابزاده (عیار اردبیلی)
.
حسین معنی حضرت ذوالجلال
حسین یعنی مین آیتِ لایزال
.
حسینون آدین ذکر ائدن جبرئیل
حسیندن تاپوب روز و شب اعتدال
.
خلیل و مسیح و کلیم و شُعیب
حضورینده ائتمیش تلمّذ کمال
.
حسین ئورگدوبدور خلیله طریق
حسین وئردی موسایه عالی مَقال
.
حسین دور ائدن جنتی جاودان
حسیندن تاپوب ظلم و جور اِنفعال
.
حسینون کتابینده هر سوز جمیل
حسینون مرامینده یوخدور زَوال
.
حسینون مکانی نبی دوشیدور
حسینون زبانی پر از شور وحال
.
حسین چکدی خطّ سیه باطله
حسین وئردی اسلامه عالی مدال
.
شهید و سعیدو صغیر و کبیر
زمین و زمان و مه و روز و سال
.
در و دشت و بحر و هوا و صفا
غم و شادی و مرگ و میر و نوال
.
نه عاقل نه مجنون نه شیرین و شور
تماماً حسین مستیدور جان و مال
.
منی سانمیون مُلحِد و کافرم
حسیندور سالان جانیمه قیل و قال
.
حسینون آدی عقلی باشدان آلوب
جنون همنشیندور منه خوش به حال
.
قسم ظهر عاشوریده شورشه
قسم مستی لحظهء اتّصال
.
قسم اوخ دگن حلق شش ماهیه
کی یول باشلیوب گلدی بی انفصال
.
قسم دوغرانان افسرِ بی سَره
قسم قانیده غرق اولونموش رِجال
.
بودیوانه لیک عینِ فرزانه لیک
که زینبدی بو عشقه نیکو خِصال
.
باشیندان کئچن مست جامِ حسین
الیمده قلیج ائتمه آیری خیال
.
بیزیم باشدا واردور بیر آتش فشان
که ایلده ائدر بیر گونی اشتعال
.
یازار باشدا خنجر حسینون آدین
که زینب باشون ساق سن ائتمه ملال
.
بیزوک پیشمرگانِ راه حسین
مگر بیز ئولک دین گوره ابتذال
.
منیم مقصدیم شعریده تک بودور
که خالق یاراتماز حسینه مثال
.
.
#حسینیه_محمد_وهابزاده
#حسینیه_مدح
#حسین_معنی_حضرت_ذوالجلال
#ترکی
.
✍️ #زبدةالاشعار ✍️
.
🆔: @nohe_torki
نظر دهید