بهشت عمارتی اولموش بنا خراساندا #رضویه_مضطر_اردبیلی

یا امام رضا (ع)
.
زبدة الاشعار
.
: @nohe_torki
.
مرحوم مضطر اردبیلی
.
بهشت عمارتی اولموش بنا خراساندا
جهان اوزینه سالوب انجلا خراساندا
.
که سرفراز اولوب ایرانیان بو عالمده
خلایقه اولونور فیض عطا خراساندا
.
جهانه اود دوشه ایرانه بیر غوری دوشمز
نیه؟ یاتوبدی امام رضا خراساندا
.
مکانی شیعه لرون اولسا هر مناطقده
ولی حواسی قالور برملا خراساندا
.
بهشته اگلشه لر شیعه لر گوزی قالاجاق
نجفده کرب و بلاده و یا خراساندا
.
بیریسی ایستسه گر کربلا زیارتنی
الی یتیشمسه وار کربلا خراساندا
.
اولاندا جمعه نون آخشامی وار خبرده بئله
اولور حسین شه گلگون قبا خراساندا
.
یانندا قارداشی عباس، نوجوان اوغلی
علیّ اکبرِ یوسف لقا خراساندا
.
قوناق گلر بالاسی حضرت رضایه حسین
گلور بالاسینی گورسون آتا خراساندا
.
نجه دوزر آتا دوشسه آخر بالاسی درده دوشه
وئروبله اوغلونا زهر جفا خراساندا
.
همیشه آختاری هم دردینی تاپا هم درد
اولار امام حسن مجتبا خراساندا
.
خوشا سعادتینه کیم گئده زیارتینه
اؤپه ضریح شریفینی تا خراساندا
.
گناهی اولسادا اولدوزلارین ساینجا اگر
یقیناً عفو ائده جکقدور خدا خراساندا
.
دیلله رسمدی زواره التماس دعا
ز بس قبول اولار هر بیر دعا خراساندا
.
اولان او قبرینه زوّار التماس دعا
منیمده عرضیمی ایله اونا خراساندا
.
آقا قاپوزدا قوجالمش بو نکروز «مضطر»
دیر او قبریه جانیم قدا خراساندا
.
منیده ایسته گلوم قبریوون توزین ایلیوم
بو ایکی گوزلریمه توتیا خراساندا
.
شماتت ایلیه لر قورخورام مجاز اهلی
قالوب کنارده نوکر ، آقا خراساندا
.
.
#رضویه_مدح
#بهشت_عمارتی_اولموش_بنا_خراساندا
#مضطر_اردبیلی
#ترکی
.
#زبدةالاشعار
.
: @nohe_torki