بولمرم نولوبدی ایلر مرد و زن نوا غریبه #رضویه_دلریش

شهادت ضامن غریبان امام رضا (ع)
.
زبدة الاشعار
.
: @nohe_torki
.
مرحوم دلریش
.
بولمرم نولوبدی ایلر مرد و زن نوا غریبه
ساخلیوبلا یوخسا ماتم شاه دین رضا غریبه
.
.
پایبند عشق اولانلار بو جهاندا راحت اولماز
نیش نوش جان ائدرلر بئله که محبت اولماز
هر کیم آغلیا بو شاهه حشریده خجالت اولماز
ایلیوب رضا خدانی ساخلیان عزا غریبه
.
.
آه او وقتدن که مأمون ایلدی او شاهی احضار
وئردی زهر او تاجداره گوردی بی معین و غمخوار
بزمدن چیخوب عباسی باشدا با دو چشم خونبار
شیعه لر بو نوعی ظلمی کیم گورر روا غریبه
.
.
حجریه یتوب بویوردی اول شه جهان اباصلت
یق بو فرشی باغریمی زهر ایلیوبدی قان اباصلت
رسمدور غریبه وئرسون توپراق اوسته جان اباصلت
ایلسون گرک تحمل یتسه هر بلا غریبه
.
.
بو سپهر کجمدارین ظلمی یتمز انتهایه
ائتمیوب وفا ازلدن انبیایه اولیایه
بوردان اوچدی مرغ گوگلوم گئتدی دشت کربلایه
باشلاسون گینه ترانه شاه بی نوا غریبه
.
.
کربلا آدی دییلدی آرتدی گوگلیمین ملالی
دوشدی یادیمه عزیزان شاه تشنه نین او حالی
دامنین دوتوب دیردی جمله العطش عیالی
آل مصطفانی تشنه قویدی اشقیا غریبه
.
.
شیعه لر امام هشتم اولدی گر جدا وطندن
اولمادی ستمله باشی اول شهین جدا بدندن
یاحسین بو محنت آلدی صبر و اختیار مندن
کیم گوروبدی ایلسونله بیر بئله جفا غریبه
.
.
کربلای پربلاده دؤزدی هر بلایه باشون
گه تنور ایچینده یاتدی گئچدی گه جدایه باشون
شامه دین جدا باشیندا گورمیویدی سایه باشون
اول باشون فداسی هر دم گوردی هر بلا غریبه
.
.
ای صد آفرین بو عشقه سن هر امتحانه دؤزدون
ووردی داشیله عجوزه ای شه زمانه دؤزدون
لبلرون اولوب نشانه چوب خیزرانه دوزدون
باش و جانون حق یولوندا ایلدون فدا غریبه
.
.
آغلا بو عزاده «دلریش» تا نقدر واردی جانون
صرف ائت عمرووی عزاده سودی واردی یوخ زیانون
قسمت ائت بو جمعه یارب قبرینی شه جهانون
الدن آلمیش اختیاری شوق کربلا غریبه
.
.
.
#سبک_سو_یوخومدی_قیزلاروندان … 5 سبک
.
#رضویه_شهادت
#بولمرم_نولوبدی_ایلر_مرد_و_زن_نوا_غریبه
#دلریش
#ترکی
.
#زبدةالاشعار
.
: @nohe_torki