بولمم نه شوردور بو عالمده نه نوادور #حسنیه_حقیر_خویی

شهادت امام حسن مجتبی علیه السلام
.
زبدة الاشعار
.
: @nohe_torki
.
مرحوم حقیر خویی
.
بولمم نه شوردور بو عالمده نه نوادور
گویا بو گون وفاتِ فرزند مرتضادور
.
ویردی رضا قضایه-صبر ایتدی هر جفایه
زهر ستم ویروبله ظلمیله مجتبایه
.
.
زهر ستمله ساقی دولدوردی ساغرینی
دوندردی مجتبانین قانه جگرلرینی
اغیار الیله دلدار الدوردی دلبرینی
الدورسون آشناسین بو هانسی آشنادور
.
.
چون تختدن اشاقه سالدی حسن اوزینی
زینب یوزینه قویدی حسرتله اوز یوزینی
گوزیاشینی توکردی بیر بیر دیوب سوزینی
همراز سری گوردی دلدار باوفادور
.
.
ناگاه زینب اولدی بیدار وحشتیله
قارداشینی گورنده بیر اوزگه حالتیله
جوش و خروشه گلدی شور و قیامتیله
عرض ایتدی کای برادر آیا نه ماجرادور
.
.
نه قاندی لبلرونده ویر بیر جواب قارداش
قلبیمده وار بلورسن چوخ اضطراب قارداش
از بس منی بو حالین ایلر کباب قارداش
بو زینب بلاکش رحم ایله بینوادور
.
.
ویردی جواب باجی یاندورما غملی جانی
تاب ایتموسن گوروبسن بو لبلریمده قانی
مندن صورا گورورسن سن گورمین جفانی
گوردوخلاروندان آرتق اوضاع کربلادور
.
.
اهل جفا ستمله الدن آلار حسینون
تشنه کسلله باشون اول ماه مشرقینون
عرشه چخار او وقتده فریاد و شور و شینون
کلا اسیر اعدا اولاد مصطفادور
.
.
عرض ایلدی او وقتده سویله گوروم برادر
زینب باخار حسینی میداندا الدورللر
ویردی جواب باجی باخماز سنه او لشکر
چون اهل شام و کوفه بی شرم و بی حیادور
.
.
قارداش نولور او وقتده آیا رشید عباس
باجی اولور ستمله تشنه شهید عباس
هر ایکی قولدان ایلر قطع امید عباس
صحرای کربلاده قارداشینه فدادور
.
.
اولماز سنه او چولده بیر کیمسه یار و غمخوار
نه عون و فضل و قاسم نه اکبر وفادار
کلا شهید اولوللار بیرجه قالور او بیمار
شامه کیمی اسیر زنجیر اشقیادور
.
.
وار زینبون محقر باشنده چوخ بلاسی
شرح بیانه گلمز هرگز بو ماجراسی
بیر اوزگه ماجرادور اوضاع کربلاسی
چون که هامی قضایه اول گونی رضادور
.
.
.
#سبک_احوالیمیز_یاماندی …. بیش از 10 سبک
.
.
.
.
#حسنیه_شهادت
#بولمم_نه_شوردور_بو_عالمده_نه_نوادور
#حقیر_خویی
#ترکی
.
#زبدةالاشعار
.
: @nohe_torki