در ضربت خوردن حضرت امیرالمؤمنین علیه السلام
✍️ زبدة الاشعار ✍️
?: @nohe_torki
سیفی اردبیلی
شمشیر جفادن غم ناری اَلَندی
محرابیده حیدر القانه بَلَندی
اون دوقّوزی صبح ماه رمضاندا
تکبیر مؤذّن قوزاندی اذاندا
بیر غصه لی آوا پخش اولدی زماندا
گلشنْ غمه باتدی گللر سپه لندی
حیدر که دایاندی سرعتله نمازه
شوقیله آچوبدور دل راز و نیازه
دوشدی چوخ اورکلر سوزیله گدازه
چوخ سینه ده غملر داشدی تزه لندی
دیللرده یول آچدی خوش نغمهٔ تکبیر
مولا باش اگنده قالخوب گوگه شمشیر
بیلمم نه ایش اولدی قان آغلادی تقدیر
گرد غم و محنت گوگلردن الندی
حلّ ایلمک اولماز بو امر محالی
یر لرزیه گلدی گهواره مثالی
قان دوتدی علینون نورانی جمالی
منبر سسه گلدی محرابی بزندی
مسجدده گوروندی محشردی کماهی
دیلدن اوجالاندی حق شیرینون آهی
بیردن دئدی شادم دینجلدیم الهی
بو حالیده ئولمگی جانان بگندی
دنیاده من ائتدیم تنها سنه تعظیم
گوردوم عوضینده چوخ رتبه ی تکریم
سن هر نه بویوردون اگدیم سر تسلیم
یوخ قلب علیده بیر ذره نژندی(۱)
خرسندم الهی ای کان کرامت
ائتدون منه احسان بیر بیله سعادت
کعبونده ولادت بیتونده شهادت
بو رتبه نه شکر و تسبیحه گلندی
ــــــــــــــــــــــ
(۱) نژندی . [ ن ِ / ن َ ژَ ] (حامص ) غمگینی . دل گرفتگی . ملالت . افسردگی . اندوه . (ناظم الاطباء). غم . ملال .
#حیدریه_حیدریه_شهادت
#شمشیر_جفادن_غم_ناری_الندی
#سیفی_اردبیلی
#ترکی
✍️ #زبدةالاشعار ✍️
?: @nohe_torki
نظر دهید