شهادت پیامبراسلام(ص)
شهادت امام حسن مجتبی(ع)
شهادت امام رضا(ع)
..
..
..
..
مرحوم غمکش
..
..
..
..
بولمورم بو عالمین وار نه بلالی ماجراسی
آسمانه اوج ایدوبدور وامحمّدا صداسی
..
..
..
..
وامصيبتا ديولّر سربسر باتوب قرايه
دسته دسته جمع اولولار بزم محنت و عزایه
اوج ایدور نوا و ناله لحظه لحظه نُه سمايه
باشلانوبدی عالم ایچره ختم انبیا عزاسی
..
..
..
..
بیر طرفده آغلیوللار دسته دسته مصطفایه
بیر طرفده آه و ناله ایلیولّه مجتبایه
آه سینه لر شراره دولدوروبدی ماسوايه
پردۀ قرا چکوبدور عالمه بو غم فضاسی
..
..
..
..
طوسین اهلی بیر طرفده دلده وا رضا دیولّر
طوس اولوبدی کربلا تک دشت غم فضا دیولّر
وا رضا دینده آغلور ارض کربلا دیولّر
جدّی تک بونوندا واردی هر بلائیچون رضاسی
..
..
..
..
اولدی نقطۀ سناباد ارض طوس ایچینده رضوان
کربلا کیمی مزیّن عطر و گل ویرور خراسان
فخر ایدر هامی جهانه روز حشر اولونجا ایران
کشوره صفا ویروبدور بارگاهینین صفاسی
..
..
..
..
عطر آلور او بارگهدن گلشن و گل و گلستان
بال و پر آچور هواده خوش نوالی عندلیبان
بیز اولاق سنه فدا یا ثامن الحجج رضاجان
غربت ئولکده اولوبسان درد و محنت آشناسی
..
..
..
..
گرچه ظاهراً وطندن ایل قبیله دن جداسن
مظهر حق و حقیقت بند قلب مصطفاسن
نور دیده سن بتوله روح پاک مجتباسن
گون ایوینده مجتبانین قبرینین قالوب نماسی
..
..
..
..
یوخدی مرقد بتولی بیر نفر ایده نمایان
محشره کیمون اولوبدور قبریدور جهانه پنهان
انتقامه گلمینجه قبر ایچینده زار و گریان
آغلیور شکسته پهلو قولدا قمچینین یاراسی
..
..
..
..
عدلیله حکومت ایلر ذوالفقار الینده گلسه
انتقامه حکم و فرمان آشکار الینده گلسه
پرچم رسول خاتم استوار الینده گلسه
ظلمی ریشه کن ایدر او قورتارار یرین بلاسی
..
..
..
..
وار يرى يازاندا حالون اَلده بو قلم دايانسون
سینه مین شراره سیندن دفتريم اليمده يانسون
کیم گوروبدی خون دلدن لاله تک بدن بویانسون
دوشدی یادیمه حسینون ماجرای کربلاسی
..
..
..
..
دوغرانوبدی شش پریله خنجریله نوجوانان
بین نهرده لب عطشان اوخلانوبدی شیرخواران
اوچ گون اوچ گیجه بدنلر ایستی قوملار اوسته عريان
اوج ایدور سمایه یردن تشنه قیزلارین نواسی
..
..
..
..
بیر طرفده اهل کوفه اود وروبلا خیمه گاهه
بیر طرفده نیزه خنجر اوخ ورولا تشنه شاهه
بیر حمایت ایلین یوخ اهل بیت بی پناهه
زینبین قرارین آلدی اهل کوفه نین جفاسی
..
..
..
..
بیر طرفده سس اوجالدی عمّه هارداسان یوبانما
قالمادی باشیمدا معجر دادیمه یتیش دایانما
سسلنور بالا خیمده قالما خيمه يانسا يانما
رأس نیزه دن حسینون گلدی صوت دلرباسی
..
..
..
..
چوللره قاچوردی قیزلار خیمه گاه اولوردی غارت
بیر بیره ویریردی مژده لشگر شیم شقاوت
آیه رقیم و کهفی بیردن ایلدی تلاوت
سسلدی حسین بلالی زینبون سسون فداسی
..
..
..
..
زهر کینه دن رضا جان اوتلانان زمان نهادون
سینه وین شراره سیندن قوزاناندا آه و دادون
گلدی باشون اوسته فوراً حاضر اولدی اوز جوادون
بولمرم حسین نه چکدی گوردی یرده مه لقاسی
..
..
..
..
اَل اَیاق ورور یارالی توپراق اوسته قان ایچینده
قان آخور یارالاریندان شام و کوفیان ایچینده
پیکرینده اوخ آچوب گل همچو گلستان ایچینده
سسلدى على على دور یاتما ای گوزوم ضیاسی
..
..
..
..
سن نقدر دورمیوبسان باشون اوسته من دايانّام
حالیمی سوروشمیوبسان آه سینمیله یانّام
جان کیمی قوجاقه آلام منده قانوه بویانّام
گور قوجالمیشام اَلیمدن دوشمه ای اَلیم عصاسی
..
..
..
..
تک گیدنمورم علی دور دوت الیم گیدک خیامه
گورسه لر تکم جسارت اَل ویرر گـروه شامه
سن کیمی منی سالالار دورت طرفدن ازدحامه
سسلنلّه يوخدى اوغلی یار و قوم و اقرباسی
..
..
..
..
#حسنیه_غمکش #رضویه_غمکش #پیامبراسلام #غمکش #حسنیه #رضویه #حسنیه_شهادت #رضویه_شهادت #پیامبراسلام_شهادت #ترکی #زبدةالاشعار
نظر دهید