بو باش کیمون باشیدور وار عمه خوش منظری #حضرت_رقیه_شهاب_تبریزی

زبانحال حضرت رقیه خاتون در خرابه شام
.
.
مرحوم شهاب تبریزی
.
.
بو باش کیمون باشیدور وار عمّه خوش منظری
بابامه چوخ بنزوری بو قان دولان گوزلری
.
.
بو قانلو باشدا یقین وار عمّه جان شور حق
خرابیه گلمگین بُلوبدی منظور حق
ایدوبدی نور رخی بو منزلی طور حق
بو نوری حق نوریدی جمالی حق مَظهری
.
.
گلور گوزه آشنا بو قانلو گوز قاشیله
جبینی مجروح اولوب بابامدی بو داشیله
عیالینه باش چکه گلوب کسوک باشیله
باخار سوزیندن آخار یوزه سرشک ترى
.
.
اون ایکی یاره دگوب چو لاله قانه باتوب
باشنی باشدان ایدوب وصال یاره چاتوب
گھی جداده گزوب گھی گول اوسته باتوب
گهی مزیّن قیلوب خرابه منزللری
.
.
سالاندا بو حالته بو رأس والاسینی
سالوبلا گور نه گونه بو باشین اعضاسینی
دوتوبدی قان توز باسوب جمال زیباسینی
گیجه گونوز نیزه ده گزوب ز بس چوللری
.
.
بُلوبدی ظلمتدیَم ترحّم ایلوب منه
گلوب مبدّل قیلوب بو ظُلمتی روشنه
خرابه نی دوندروب بو گول یوزی گلشنه
چکوبدی شور اوسته پَر شکسته بُلبُللری
.
.
غرض گوتوردی او قیز باباسینون باشینی
باسوبدی بیر باغرینا توکوبدی گوز یاشینی
چوخ آغلیوب آغلادوب خرابه نون داشینی
گتوردی درده دل بَنات پیغمبری
.
.
چکیلدی بیر گوشیه دل آچدی درد دله
باباسینا ایلیوب بو دیللریله گله
نه گونلره دوشموشم دیدی بابا گورگیله
ئولوب خلاص اولمورام گورونجه بو گونلری
.
.
ایدوبدی هانسی شقی باشون بدندن جدا
منی یتیم ایلیوب آیردی سندن بابا
چوخ اینجیوب گردنیم قولوم رَسَندن بابا
یتیملوق ذلّته سالوب من مضطری
.
.
گیچر گئجه گوندوزوم بو چشم گریانیلن
بابا دیوب آغلارام همیشه افغانیلن
خضاب ایدوب کیم بیله محاسینون قانیلن
اولیدی شل قاتل ستمگرون اللری
.
.
بابا دگل بی سبب آخار بو گوزدن یاشیم
یوخومدی بیر معجرم بابا آچوخدور باشیم
خیاله هیچ سالموری منی علی قارداشیم
گلوب گوره نه گونه دوشوبدی بو خواهری
.
.
حقّینی نوکرلقون ایسته سن اولسون آدا
عذاره گوز یاشوی توکوب قیل آه و نوا
آغلا «شهابا» همین مطلعه صبح و مسا
بو باش کیمون باشیدور وار عمّه خوش منظری
.
.
#حضرت_رقیه #شهاب_تبریزی #حضرت_رقیه_شهادت #ترکی #زبدةالاشعار