بو بزم عزا مکتب شاه شهدادی #حسینیه_غمکش

بزم عزای حسینی
.
زبدة الاشعار
.
: @nohe_torki
.
مرحوم غمکش
.
بو بزم عزا مکتب شاه شهدادی
هر یئر کی عزاخانه اولا کرببلادی
.
.
هر یئرده حسینه دوتولا مجلس ماتم
افغانه گلر اوردا رسولان معظّم
اول بزمه گلر دیلده نوا حضرت خاتم
توکسون گؤزوین یاشینی رخساره روادی
.
.
دوت دامن مولانی ئوزه اشکوی باغلا
گئی رَخت عزا سینه ویروب عالمی داغلا
سال یادوه عطشان آقانون حالینی آغلا
گؤزیاشون حسین یاره سینه چونکی دوادی
.
.
آغلار بو عزاخانه ده اؤز اوغلونا حیدر
رخساره توکر اشکینی صدّیقۀ اطهر
وای بی کس حسینیم چاغیرار مادر مضطر
احوالی پریشاندی سؤزی وا وَلَدادی
.
.
زهرا سسینه یکسره جنّ و بشر آغلار
ناله اوجالار عالمه غوغا دوشر آغلار
افغانه گلر حجّت ثانی عَشَر آغلار
سرتاسر عالم اودی کی غرق نوادی
.
.
آغلا او غریبه کی گؤزل دلبری ئولدی
نور بصری، اشبه پیغمبری ئولدی
دوغراندی جفاییله علی اکبری ئولدی
لیلانی بو مجنون اولین درد و بلادی
.
.
آغلا او غریبه کی یانوب غملی چاقیندا
تاپدی یارالی قاسمی آتلار ایاقیندا
دیز اوسته باشین آلدی گؤروب جان دوداقیندا
قانیله دولوب گؤزلری جزو شهدادی
.
.
آغلا او غریبه چوخالوب دردی دمادم
عبّاس غمی آخر ائدوب قامتینی خم
سسلندی بئلیم سیندی دور ای صاحب پرچم
دشمن گولوشور قارداشوین قدّی دوتادی
.
.
آغلا او غریبه اورگی یاندی محندن
ال اوسته سوسوز  سودامرین اوخلادی دشمن
اوخ بیچدی بوغازین دئدی ای خالق ذوالمنّ
زینتدی منیم نهضتیمه اصغرین آدی
.
.
آغلا او غریبه کی آلوب دوره سین اشرار
انصارینی ئولدوردی اونون لشکر خونخوار
آماج ائلدی سینه سینی نیزه لر اوخلار
جان وئردی سوسوز سویلدی جان دینه فدادی
.
.
آغلا او غریبه سو یانیندا سوسوز ئولدی
غم تیری دگوب زینبینون قلینی بؤلدی
اخیامی یانوب قیزلاری اول چؤلده دویولدی
الاندا بو محنتده یانان زین العبادی
.
.

#ورود_محرم
#حسینیه_مدح
#بو_بزم_عزا_مکتب_شاه_شهدادی
#غمکش
#نوحه_های_محرم_غمکش
#ترکی
.
#زبدةالاشعار
.
: @nohe_torki