زبانحال حضرت زینب (س) در قتلگاه
..
..
مرحوم صدری اردبیلی
..
..
دوندی قان دریاسینه گودالون ای باشسیز بدن
قویدی آغلار زینبی احوالون ای باشسیز بدن
..
..
دوشموشم قارداش سراغینده بو صحرای غمه
گه فراته قاچمشام گاهی کنار علقمه
بیر یره دوشدی یولوم باتدیم بو آیری ماتمه
وار نه محنتلو سنون اعمالون ای باشسیز بدن
..
..
قانلو سینون گورجگین قلبیمده قان جوش ایلدی
آشنا گلدی بو قان واللهى مدهوش ایلدی
اوز غمیم یاددان چیخوب درد وغمه توش ایلدی
قلبیمه اود ووردی بو افعالون ای باشسیز بدن
..
..
سینون اوسته قانلن الوان آچلمیش گللرون
گلشنوندن بی خبر قالمیش ندن بلبللرون
بند بندیندن آیرمیش جسموی قاتللرون
حشر اولونجا گلمیور امثالون ای باشسیز بدن
..
..
بو یارالی پیکرون قالمیش نیه عریان سنون
رختخوابون اوخلار اولموش بالشون آلقان سنون
ذبح ایدوبلر باشوی معلوم اولور دالدان سنون
چوخ سنه زحمت ویروب قتّالون ای باشسیز بدن
..
..
گر حسینیم سن، سنه زهرا آنام قربان حسین
آق محاسن قانینه الوان آتام قربان حسین
دین اسلامه ویرن رونق بابام قربان حسین
گتدی چوخ رقّت منه بو حالون ای باشسیز بدن
..
..
بی وفا خواهر دگل بو بخت قاره خواهرون
قویمارام عریان قالا قارداش یارالی پیکرون
دور نعشونده آچار باش عترت غم پرورون
زلفلن سایه سالار اطفالون ای باشسیز بدن
..
..
کربلا دشتینده سو آلماق اولوب امر محال
ملک دیدمده ولی وار چشمۀ آب زلال
گوز یاشیلان غسل ویرّم گر ویره دشمن مجال
مردم دیدم اولار غسّالون ای باشسیز بدن
..
..
گلمدی زهرا آنام باخسون منیم گوز یاشیمه
ظلم الیله دوغرانوب الده ئولن قارداشیمه
چاره قیلسون چاره آخر بو بلالی باشیمه
محو اولوب گورسون سنون اجلالون ای باشیز بدن
..
..
جان ویروب جانان تاپوب یتدون اؤزون معبودوه
قانلو گودالونده سجده ایلدون مسجودوه
سن شهید اولدون یتیشدون مقصد و مقصودوه
حاصله گلدی بو گون آمالون ای باشسیز بدن
..
..
ایندی محنت زینبون ظلم و عداوت دشمنون
ایتمدی بو عرصه ده ظلمه کفایت دشمنون
ووردیلار اود ایتدیلر اخیامی غارت دشمنون
پایمال اولدی هامی اموالون ای باشیز بدن
..
..
صدری ام نام حسینیله بو سنّه یتمیشم
بیلمیشم هر یرده ماتم وار عزایه گیتمشم
آغلیوب بو مصرعی ورد زبانیم ایتمشم
دوندی قان دریاسینه گودالون ای باشسیز بدن
..
..
#حسینیه #صدری_اردبیلی #حسینیه_شهادت #قتلگاه #ترکی #زبدةالاشعار
نظر دهید