بو تنور ایچره سنی کیم قویوب عطشان یارالی #تنور_خولی_بیضایی

زبانحال حضرت زهرا (س)
در تنور خولی
..
..
..
..
بیضائی بنابی
..
..
..
..
بو تنور ایچره سنی کیم قویوب عطشان یارالی
آناوین جانی اولا باشووه قربان یارالی
..
..
..
..
سنی من بسلمیشم گوللرین اوستونده حسین
قویموشام دائمی سنبللرین اوستونده حسین
کیم قویوبدور باشووی کوللرین اوستونده حسین
ایدرم من بو سببدن سنه افغان یارالی
..
..
..
..
هر یره گیتسن اوغول منده مسلّم گلرم
بو خسوفه یتوشن گوزلره ناله ایلرم
کول دولان گوزلریوی معجریمیله سیلرم
میزبان ایوده تنور ایچردی مهمان یارالی
..
..
..
..
نه روا خولی ایده بیر بیله طغیان باشووا
کنج مطبخده ویره ظلمیله اسکان باشووا
یری وار دائم ایدم ناله و افغان باشووا
آناوی دردون ایدوب چوللری ویلان یارالی
..
..
..
..
نقدر اهل جفا کج روشنده چالشور
یارالی باشووه باخدوقجا وجودیم آلشور
قان دولان گوزلرون آچ فاطمه سنلن دانشور
نقدر کوفه لیلر ایلدی عصیان یارالی
..
..
..
..
گزموشم چوللری من کرببلادن گلورم
بیر یانان خیمه ده کی آه و نوادن گلورم
قتلگاهونده حسین قانلی منادن گلورم
پیکرون اولموشیدی ظلمیله شان شان یارالی
..
..
..
..
نعشون اوستونده اوغول آهیله دل داغلاموشام
یوزیمه گوز یاشیمی شیونیله باغلاموشام
اوخشیوب پیکروی نوحه دیوب آغلاموشام
گوزون آچ باخ آناوا ای سر بی جان یارالی
..
..
..
..
قوی حسینیم سنه من آه و نوادن دانشوم
یارالی پیکروه آیری جفادن دانشوم
ساربان ظلم ایلین تازه یارادن دانشوم
تپراقا جاری اولوردی تازا بیر قان یارالی
..
..
..
..
بیر یانان خیمه ده قورموشدی باجون بزم عزا
دوره سن آلموشیدى سلسلۀ آل عبا
اوجالوردی گویه اول خیمه ده فریاد و نوا
زینبون اولموشیدی اوردا نواخوان یارالی
..
..
..
..
یا حسین منده سنه عاشق پر تاب و تبم
کمترین شاعرم و نوحه گر حق طلبم
من بیضائیه لطف ایله که شیعه نسبم
سن سن ای روح ولا دللره سلطان یارالی
..
..
..
..
#تنور_خولی #بیضایی #شام_غریبان_ترکی #زبدةالاشعار